Poda 11:1-31
11 Magigi do Jahowa mangida halak na mamakke timbangan na so pas,
Alai lomo do rohana tu halak na mamakke timbangan na pas.+
2 Na lao marlea do halak na mambahen lomo-lomona,+Alai marbisuk do halak na serep marroha.+
3 Akka ulaon na sittong do na diulahon halak na tigor marroha,+Alai na lao hancur do halak na licik alani gabusna.+
4 Dang marguna hamoraon* di ari rimas ni Debata,+Alai na lao malua do halak na mangulahon na sittong sian hamatean.+
5 Akka ulaon na sittong na diulahon halak na so marsala mambahen tigor dalanna,Alai na lao marjea do halak na jahat alani hajahatonna.+
6 Akka ulaon na sittong na diulahon halak na tigor marroha, i do na paluahon nasida,+Alai dijorat sakkap ni nasida sandiri do akka halak na licik.+
7 Molo mate parjahat, dohot do mago na diharappon ibana.Jala mago do gogo na dianggarhonna i.+
8 Malua do halak na tigor marroha sian hasusaan,Jala gabe halak na jahat do na manaon hasusaan i.+
9 Marjea do na asing alani hata ni halak na jahat,*Alai malua do halak na tigor marroha ala adong parbinotoanna.+
10 Las do roha ni pangisi ni kota alani pambahenan ni halak na burju,Jala marsurak do akka halak alani las ni rohana dung suda parjahat.+
11 Gabe dame do sada kota ala dapotan pasu-pasu halak na tigor marroha,+Alai susa do kota i alani hata ni halak na jahat.+
12 Dileai halak na oto do* donganna,Alai sai hohom+ do halak na mamboto dia na sittong dohot dia na sala.
13 Dipaboa-boa siganjang dila do rahasia ni donganna,+Alai dijaga halak na boi dihaporseai do rahasia.
14 Susa do sada bangso molo so adong poda sian halak na marbisuk,Alai molo godang na mamodai,+ boi do gabe marhasil.*
15 Marjea do halak na manjamini utang ni halak na so ditanda,+Alai dame do ngolu ni halak na so pahatophu marsijalangan lao mambahen parjanjian.
16 Dipasangap do borua na burju,+Alai mangarampok do bawa na kejam asa mamora.
17 Molo dipatudu sahalak bawa asi ni roha,* parohon laba do i tu dirina sandiri,+Alai molo kejam sasahalak, parohon jea do i tu ibana.+
18 Dang martahan upa ni halak na jahat,+Alai martahan sahat tu saleleng ni lelengna do upa ni halak na mangulahon na sittong.+
19 Dapotan hangoluan do halak na toktong mangulahon na sittong,+Alai tu hamatean do ujung ni halak na sai naeng mangulahon na jahat.
20 Magigi do Jahowa tu halak na mangoto-otoi,+Alai lomo do rohana+ tu halak na so marsala.
21 Pos ma roham, na lao dihukum do halak na jahat,+Alai na lao malua do gelleng ni halak na tigor marroha.
22 Dos songon cincin mas na dibahen tu igung ni babiSongon i ma borua na bagak alai oto.
23 Na denggan do ujung ni sakkap ni halak na tigor marroha,+Alai parohon rimas do na dipaima-ima halak na jahat.
24 Adong do halak na las rohana mangalehon na adong di ibana, nang pe songon i tamba do na di ibana.+Alai na lao marpogos+ do halak na holit na so olo mangalehon na adong di ibana.
25 Mamora do halak na las rohana mangalehon na adong di ibana,+Jala manang ise na mangalehon minum na asing, lehonon ni halak do ibana minum.+
26 Diburai do halak na so olo manggadis hasil ni panenna,Alai dipasu-pasu do halak na olo manggadis i.
27 Manang ise na sai mangulahon na denggan, lomo do roha ni halak tu ibana,+Alai manang ise na sai mangulahon na jahat, pasti na jahat i do na masa tu ibana.+
28 Tartuktuk do halak na marhaposan tu hamoraonna,+Alai dame do ngolu ni halak na tigor marroha, dos songon hau na lomak bulungna.+
29 Dang dapotan manang aha halak na parohon ila* tu keluargana,+Jala gabe hatoban ni halak na marbisuk do halak na oto.
30 Dos songon hau hangoluan+ do na diulahon halak na tigor marroha,Jala marbisuk do halak na manjujui donganna asa mangulahon na denggan.+
31 Haru tu halak na tigor marroha na di tano on pe, dilehon do upa,Suang songon i ma, pasti ma balosonna pambahenan ni halak na jahat dohot akka pardosa!+
Surat na di toru
^ Manang “arta”.
^ Manang “na manimbil sian Debata”.
^ Manang “Leas do roha ni halak na oto tu”.
^ Manang “malua”.
^ Manang “jea”.
