Psalmen 106:1-48
106 Puji ma Jahowa!*
Mandok mauliate ma tu Jahowa, ai na burju do Ibana.+Toktong do dipatudu Ibana holong ni rohana* sahat tu saleleng ni lelengna.+
2 Ise ma na boi paboahon sude ulaon ni Jahowa na balga i,Manang na boi paboahon sude ulaonna na patut pujion i?+
3 Marlas ni roha ma halak na mangulahon na tigor,Halak na sai mangulahon na sittong.+
4 Ale Jahowa, tikki dipatuduhon Ho haburjuonmu tu bangsom, ingot ma au.+
Jaga ma au jala palua ma au,
5 Asa boi huhilala haburjuon na pinatudum tu halak na pinillitmu,+Asa boi au marlas ni roha rap dohot bangsom,Jala marlas ni roha au mamuji Ho rap dohot naposom.
6 Nungnga mardosa hami songon akka ompunami,+Nungnga marsala hami, jala nungnga diulahon hami na jahat.+
7 Dang diparrohahon* akka ompunami akka ulaonmu na palongang roha di Mesir.
Dang diingot nasida holong ni roham* na balga i.Mangalo do nasida di jonok ni Laut Merah.+
8 Alai dipalua Ibana do nasida lao pasangappon goarna,+Asa diboto akka halak balga ni huasona.+
9 Disonggak Ibana ma Laut Merah, gabe koring ma i.Ditogu-togu Ibana ma nasida mardalan di dasar ni laut i songon na mardalan di gurun.+
10 Dipalua Ibana do nasida sian tangan ni alo ni nasida,+Jala ditobus Ibana do nasida sian akka musu ni nasida.+
11 Diauppon aek i ma akka musu ni nasida,Dang adong nanggo sahalak pe na mangolu.+
12 Gabe porsea ma nasida tu janjina.+Dung i marende ma nasida lao mamuji Ibana.+
13 Alai pittor dilupahon nasida do akka na binahenna.+Dang dipaima nasida tudu-tuduna.
14 Godang do pangidoan ni nasida di gurun i na patuduhon holan na makkaholongi dirina do nasida.+Diuji nasida do Debata di gurun i.+
15 Dilehon Debata do pangidoan ni nasida i,Alai diparo Ibana ma sahit na mambahen nasida mate.+
16 Dung i late ma roha ni nasida tu si MusaDohot tu si Aron,+ halak na pinillit ni Jahowa i.+
17 Gabe tarbola ma tano i mamboddut si DatanJala ditutupi tano i ma si Abiram rap dohot na mangihutton ibana.+
18 Ro ma api tu punguan i,Jala tartutung ma sude halak na jahat i.+
19 Dibahen nasida do patung anak ni lombu di HorebJala disomba nasida ma patung logam i.+
20 Digatti nasida do hasangapokkuTu patung lombu jantan na mangallang rumput.+
21 Dilupahon nasida do Debata+ na paluahon nasida,Na mambahen akka ulaon na balga di Mesir,+
22 Na mambahen akka ulaon na palongang roha di luat ni halak Ham,+Na mambahen akka ulaon na palongang roha di Laut Merah.+
23 Nungnga naeng diparettahon Ibana asa dipamate nasida,Alai dielek-elek si Musa halak na pinillitna i ma Ibana*Asa unang mate nasida ala tarrimas Ibana.+
24 Dung i leas ma roha ni nasida tu luat na uli i.+Dang porsea nasida tu janji ni Debata.+
25 Sai marungut-ungut do nasida di perkemahan ni nasida.+Dang ditangihon nasida na nidok ni Jahowa.+
26 Gabe marsumpa ma Ibana*Lao bahenonna do nasida mate di gurun.+
27 Bahenonna ma marserak pinoppar ni nasida di tonga-tonga ni akka bangso,Jala na lao mate ma nasida di luat na asing.+
28 Dung i dohot ma nasida manomba Baal Peor,+Jala diallang nasida do pelean na dipelehon tu halak na mate.*
29 Gabe muruk ma Debata alani pangalaho ni nasida,+Diparo Ibana ma jea tu tonga-tonga ni nasida.+
30 Alai dung jongjong si Pinehas jala bertindak,Gabe so ma jea i.+
31 Alani i didok do ibana mangulahon na sittong*Sahat tu saleleng ni lelengna.+
32 Dibahen nasida ma muse Ibana muruk di Mual Meriba,*Gabe susa ma si Musa alani pangalaho ni nasida.+
33 Gabe muruk ma si Musa dibahen nasida,Jala dang manat be ibana mandok hatana.+
34 Dang dipamate nasida akka bangso na asing,+Songon na diparettahon Jahowa tu nasida.+
35 Mardongan do nasida tu bangso na asing i,+Jala diihutton* nasida do hasomalan ni akka bangso i.+
36 Sai disomba nasida do patung na disomba akka bangso i,+Jala gabe jorat ma i di nasida.+
37 Dipelehon nasida do akka anak ni nasida,Dohot akka boru ni nasida tu suru-suruan na jahat.+
38 Sai diusehon nasida do mudar ni halak na so marsala+Mudar ni akka anak dohot boru ni nasida,Dipelehon nasida do i tu akka patung na adong di Kanaan.+Jala gabe ramun* ma luat i alani mudar na diusehon i.
39 Gabe ramun ma nasida alani pangalaho ni nasida.Jala dang setia be nasida tu Debata* alani pambahenan ni nasida.+
40 Gabe tarrimas ma Jahowa tu bangsona,Jala gabe magigi ma Ibana tu naposona.
41 Mulak-ulak do nasida dipasahat Ibana tu bangso na asing,+Gabe akka musu ma na mangarajai nasida.+
42 Gabe susa ma nasida dibahen musu ni nasida,Jala gabe dirajai musu ma nasida.
43 Nungnga jotjot dipalua Ibana nasida,+Alai sai mangalo jala dang mangoloi nasida,+Gabe marlea ma nasida alani hasalaan ni nasida i.+
44 Nang pe songon i, diida Ibana do hasusaan ni nasida.+Jala ditangihon Ibana do angguk-angguk ni nasida na mangido asa diurupi.+
45 Ai diingot Ibana do parjanjian na binahenna tu nasida,Alani holongna na massai balga,* gabe asi do rohana.*+
46 Dibahen Ibana do sude halak na mambahen nasida gabe tawanan+Gabe marasi ni roha tu nasida.
47 Ale Jahowa Debatanami, palua ma hami.+Papungu ma hami sian akka bangso,+Asa hupuji hami goarmu na badia iJala hupasangap hami Ho.+
48 Sai dipuji ma Jahowa Debata ni IsraelSahat tu saleleng ni lelengna.+
Sai sude ma bangso mandok, “Amen!”*
Puji ma Jahowa!*
Surat na di toru
^ Manang “Jah!”. “Jah” singkatan goar ni Jahowa. Ida Lampiran A5.
^ Manang “dirimangi”.
^ As. “Alai jongjong ma si Musa manolai di jolona”.
^ As. “Diangkat Ibana ma tanganna lao marsumpa”.
^ Manang “tu debata na so sittong”.
^ Lapatanna, “Marbada”.
^ Manang “diparsiajari”.
^ Manang “dang setia be nasida songon boru-boru na so hasea”.
^ Manang “gabe manolsoli ma Ibana”.
^ Manang “Sai saut ma i!”
^ Manang “Jah!”. “Jah” singkatan goar ni Jahowa. Ida Lampiran A5.