Psalmen 65:1-13
Tu pamimpin ni akka parende. Ende ni si Daud.
65 Ale Debata, na lao dipuji do Ho di Dolok Sion,+Gararonnami do sumpanami tu Ho.+
2 Ale Sitangihon tangiang, tu Ho do ro sude jolma.+
3 Godang hian do hasalaakku,+Alai disesa Ho do dosakku.+
4 Marlas ni roha ma halak na pinillitmu,Na binoanmu lao tinggal di alamanmu.+
Marlas ni roha ma hami alani akka na denggan na di jabum,+Akka na denggan na di bagas jorom* na badia i.+
5 Ale Debata sipalua hami,Alusanmu do hami marhite pambahenanmu na palongang roha+ jala na sittong.Tu Ho do marhaposan sude halak na di tano on,+Dohot akka halak na di bariba ni laut an.
6 Marhite huasom, dipahot Ho do akka dolok.Tung na gogo situtu do Ho.+
7 Dipaso Ho* do laut na margalumbang,+Dipaso Ho do galumbang na massai balga dohot akka bangso na gaor.+
8 Gabe longang ma akka pangisi ni huta na dao mangida akka pambahenanmi,+Dibahen Ho do akka halak mulai sian timur sahat tu barat* marsurak alani las ni roha.
9 Diparrohahon Ho do tano on,Dibahen Ho do i massai denggan jala subur.+
Dibahen Ho do gok aek di akka sunge,Diparade Ho do sipanganon ni akka jolma,+Songon i do dibahen Ho tikki mambahen tano on.
10 Dibahen Ho do maraek tano na dibajak jala dipadosdos Ho do i.Diparo Ho do udan asa unang pir tano i.
Dipasu-pasu Ho do tano i asa tubu suan-suanan disi.+
11 Godang do akka na denggan na binahenmu sataon on, dos songon mahkota.Tudia pe Ho lao, gabe godang do akka na denggan disi.+
12 Dibahen Ho do lam lomak inganan panjappalan na di gurun,*+Gabe gok ma las ni roha di akka dolok+
13 Gok do akka binatang di inganan panjappalan,Jala gok do sipanganon di akka rura.+
Marsurak do nasida marlas ni roha, marende do nasida.+
Surat na di toru
^ Manang “di ingananmu”.
^ As. “Ibana”.
^ Manang “akka halak na tinggal mulai sian inganan parbissar ni mataniari sahat tu inganan parbonomna”.
