TU AKKA NA POSO
11: Ringgas
LAPATANNA
Halak na ringgas, lomo do rohana karejo lao manarihon dirina jala mangurupi na asing, nang pe dang godang gajina.
BOASA PENTING ON
Godang do tanggung jawab na ikkon taulahon di ngolutta on. Saonari godang do halak na so lomo rohana ringgas karejo. Alai molo ringgas hita karejo pasti adong do manfaatna tu hita.—Parjamita 3:13.
“Molo dung sae karejo las ma rohakku jala puas huhilala. Ala puas huhilala gabe lam ringgas ma au karejo. Asing ni i molo ringgas hita karejo, gabe denggan ma reputasitta.”—Si Reyon.
NA DIDOK BIBEL: “Adong do laba ni ganup halojaon.”—Poda 14:23.
NA BOI DIULAHON HAMU
Las ma rohamuna tu karejomuna. Alani i, coba ma ulahon on.
Berupaya lam denggan mangulahon tugas. Nang pe karejo di jabu, makkarejohon PR manang massari ngolu-ngolu, ulahon ma i sian nasa rohamuna. Molo nga denggan diulahon hamu sada tugas, berupaya ma hamu asa lam denggan mangulahon i muse. Contohna, coba ma hatop pasae karejomuna i. Molo lam malo hita mangulahon karejotta, lam las ma rohatta tu karejotta.
NA DIDOK BIBEL: “Hea do diida ho halak na malo mangulahon karejona?Na lao jongjong ma ibana di jolo ni akka raja, Dang di jolo ni halak na so sangap.”—Poda 22:29.
Pikkirhon ma manfaatna tu halak na asing. Molo denggan do taulahon tanggung jawabta, pasti adong do manfaatna tu halak na asing. Contohna, molo ringgas hita mangulahon karejo na di jabu gabe moru ma karejo ni anggota keluarga na asing.
NA DIDOK BIBEL: “Umlas do roha ni halak na mangalehon sian na manjalo.”—Ulaon ni Apostel 20:35.
Ulahon ma lobi sian na disuru. Molo holan na disuru do na diulahon hamu, pasti dihilala hamu holan na mangoloi na manuru i do hamu. Alai molo dipillit hamu mangulahon lobi sian na disuru, dihilala hamu ma molo hamuna do na mengendalihon dirimuna sandiri, dang halak na asing. Gabe lam ringgas ma hamu karejo.—Mateus 5:41.
NA DIDOK BIBEL: “Mangulahon akka na denggan, ai naeng ma nian sian na nionjar ni roham ulahononmu i.”—Pilemon 14.
Seimbang ma. Ringgas karejo dang na lapatanna gabe torus karejo. Halak na ringgas lomo do rohana karejo. Alai, ikkon adong do tong tikki lao istirahat.
NA DIDOK BIBEL: “Dumenggan do sanggolom istirahat sian dua golom halojaon, na dos songon mangalele alogo.”—Parjamita 4:6.
Mungkin Lomo do Rohamuna Mamboto
DUNGO MA!
Songon dia Asa Denggan Hamu Mamakke Tikkimuna?
Sada cara asa denggan hamu mamakke tikkimuna i ma porlu seimbang. Aha do maksudna?
