Molo tabeda-bedahon halak na asing sian hita, gabe taanggap do perbedaan i sada hahurangan di ibana. Akibatna, gabe tarippu ma undenggan hita sian ibana. Molo marpikkiran negatif do hita tu halak na asing jala sai tabedahon diritta tu nasida, gabe dang sapakkilaan hita dohot nasida.

“Marlas ni roha ma hamu dohot halak na marlas ni roha, jala tangis ma hamu dohot halak na tangis.”​—ROM 12:15.

Aha do maksud ni ayat i? Ayat i mangajarhon tu hita asa sapakkilalaan tu halak na asing. Sapakkilalaan lapatanna boi tahilala aha na dihilala halak na asing.

Molo sapakkilalaan hita dohot halak na asing, boi ma tahilala sarupa do hita dohot nasida. Aha na dihilala nasida, songon i ma na tahilala. Molo sapakkilalaan hita, taattusi ma na sekeluarga do hita sude dang soal ise nasida. Dang marpikkiran negatif be hita tu nasida molo taanggap sarupa do hita dohot nasida.

Molo sapakkilaan hita, gabe taargai ma halak na asing. Songon i ma na dihilala si Anne-Marie sian Senegal. Hea do leas rohana mangida akka halak sian sada kelompok. Didok ibana, “Molo huida sitaonon ni nasida, hupikkiri ma boha molo au gabe nasida. Ujungna didok rohakku ma dang undenggan au sian nasida.” Molo taattusi hasusaan na diadopi akka halak, gabe dang marpikkiran negatif be hita tu nasida.

Molo marpikkiran negatif hamu tu halak na asing, ingot ma sasittongna sarupa do hamu dohot nasida. Misalna, pikkirhon ma boha pakkilalaan ni nasida tikki:

• rap mangan dohot keluargana

• sae karejona

• marmeami dohot donganna

• mambege lagu favoritna

Dung i, bayakkon ma molo hamu gabe nasida. Pikkirhon ma:

• ‘Boha do molo leas halak tu au?’

• ‘Boha do perasaanku molo pittor dinilai halak au hape dang jolo ditanda au?’

• ‘Molo sian kelompok na so dihalomohon halak au, songon dia ma nian dipangido rohakku bahenon ni halak tu au?’