Bibel Mambahen Denggan Ngolukku

“Godang do Sukkun-Sukkun na Sai Ro tu Pikkiranku.”​—RAUDEL RODRÍGUEZ RODRÍGUEZ

TUBU TAON: 1959

NEGARA ASAL: KUBA

RIWAYAT HIDUP: PEMBERONTAK POLITIK

NGOLUKKU NA UJU I: Tubu di Havana, Kuba do au. Pogos do akka halak di hutakku jala sering do terjadi tawuran disi. Tikki remaja, mulai ma lomo rohakku tu judo dohot tu ilmu bela diri na asing.

Malo do au di sikkola. Jadi disuru natua-tuakku ma asa kuliah au. Tikki kuliah, mulai ma hupikkiri ikkon dipadenggan do sistem politik di negarakkon. Jadi huputusson ma lao memberontak. Hualo ma sahalak polisi rap dohot dongan sakalashu lao mambuat sinjata ni polisi i. Gabe lukka ma ulu ni polisi i alani i. Jadi gabe dipamasuk ma hami na dua tu penjara jala divonis lao ditembak mati. Bayakkon ma naeng mate nama au, hape 20 taon dope umurhu!

Tikki di bagasan penjara, hubayakkon ma boha annon sikaphu tikki naeng ditembak. Dang olo au hira na mabiar diida nasida. Jala tikki i godang do sukkun-sukkun na sai ro tu pikkiranku, ‘Boasa ma godang ketidakadilan di portibi on? Holan songon on nama na mangolu on?’

SONGON DIA BIBEL PAUBAHON NGOLUKKU: Di pudian ni ari, dang jadi hami dihukum mati. Alai gabe dihukum ma hami 30 taon dipenjara. Di tikki i, pajuppang ma au tu piga-piga halak Saksi Jahowa na dipenjarahon alani haporseaon ni nasida. Salut do au mangida nasida. Nang pe barani nasida, alai tetap do dipatuduhon nasida roha na dame. Dang adong kesalahan ni nasida, alai dang muruk nasida manang gabe putus asa.

Didok nasida tu au adong do tujuan ni Debata manoppa jolma. Jala dipatudu nasida do sian Bibel, na lao dibahen Debata do tano on gabe paradeiso. Dang adong be hajahaton dohot ketidakadilan disi. Akka halak na burju nama na mangingani tano on. Sempurna ma nasida jala boi mangolu saleleng ni lelengna disi.​—Psalmen 37:29.

Lomo do rohakku mamboto na huparsiajari sian Saksi Jahowa. Alai beda hian do sifathu sian sifat ni nasida. Hurasa dang boi au tetap netral di politik manang dang mambalos halak na mambahen na jahat tu au. Jadi huputusson ma manjaha sude isi ni Bibel. Dung sae hujaha i, gabe sadar ma au holan Saksi Jahowa do na sarupa songon halak Kristen di abad na parjolo.

Sian Bibel, huboto ma muse ikkon muba do au. Misalna ikkon hupauba do carakku makkatai. Alana sering do au mangaleai halak. Ikkon so do muse au marisap jala ikkon netral di politik. Dang mura mangulahon i sude. Alai ala diurupi Jahowa au, palan-palan boi ma hupauba i sude.

Na paling maol hupauba i ma mangorom dirikku asa dang mura-mura muruk. Sahat tu saonari sai martangiang do au asa boi hurajai dirikku. Godang do manfaatna ala hurimangi akka ayat ni Bibel. Misalna Poda 16:32 na mandok, “Dumenggan do halak na so parmuruk sian sahalak bawa na gogo, jala dumenggan do halak na so mura muruk sian halak na boi manaluhon sada kota.”

Di taon 1991, tardidi ma au. Di bagasan tong ni aek na adong di penjara i do au tardidi. Sataon dukkon i, dibebasson ma au dohot akka tahanan na asing. Jala dikirim ma hami tu Spanyol ala adong keluarganami disi. Dung sahat au di Spanyol, pittor marpungu do au. Burju do akka dongan na disi tu au, hira naung ditanda nasida ma au. Jala diurupi nasida do au lao padenggatton ngolukku.

LABA NA HUDAPOT: Saonari marlas ni roha do au ala boi manomba Debata rap dohot istri, dohot dua borukku. Mandok mauliate do au tu Jahowa ala boi hupakke tikkikku lao mangurupi akka halak marsiajar Bibel. Sipata huingot do tikki naeng dihukum mati i au. Jala husadari do, godang hian do pasu-pasu na hujalo mulai sian i. Mangolu dope au sahat tu saonari jala adong janji ni Debata na huharappon. Tarpaima-ima do au tano on gabe Paradeiso. Adong ma keadilan disi jala “dang adong be hamatean”.​—Pangungkapon 21:3, 4.