ENDE 44
Tangiang di Tikki Susa
-
1. O Jahowa, Debatakku
tangihon ma au.
Borat do sitaonon
dohot hasusaakki.
Dang tarpasiding au
arsak na di rohakki.
Mangido ma au tu Ho,
lehon au gogo.
(REFREIN)
Patogu ma au toktong,
Jala papos ma rohakki.
Tu Ho au marhaposan,
Pargogoi ma rohakki.
-
2. Tikki hujaha hatami
dame ma rohakki.
Tarapul ma rohakku
na jotjot sai holsoan.
Urupi au mangingot
balga ni holongmi,
Asa gabe lam togu ma
haporseaokki.
(REFREIN)
Patogu ma au toktong,
Jala papos ma rohakki.
Tu Ho au marhaposan,
Pargogoi ma rohakki.
(Ida muse Ps. 42:6; 119:28; Rom 8:26; 2 Kor. 4:16; 1 Joh. 3:20.)
