ENDE 47
Toktong ma Martangiang
-
1. Martangiang tu Amang Jahowa,
Silehon-lehon na massai arga.
Pasahat ma sude na di roha,
Sai marhaposan ma tu Jahowa.
Toktong ma martangiang.
-
2. Puji Jahowa di tangiangta,
Gok situtu do pasu-pasuna.
Pangido hasesaan ni dosa,
Diboto Ibana do rohatta.
Toktong ma martangiang.
-
3. Martangiang tu Amang Jahowa
Di tikki marsak manang holsoan.
Rade do Ibana mangurupi.
Pos roham, unang pola mabiar.
Toktong ma martangiang.
(Ida muse Ps. 65:5; Mat. 6:9-13; 26:41; Luk. 18:1.)
