Molo terlalu khawatir hita tu sada masalah, boi do i mambahen hita marsahit jala marsak. Jala molo terlalu khawatir hita boi do umbalga masalah na ro.

•  Batasi ma sadia godang barita na so denggan na ikkon dijaha, ditonton, manang dibege hamu. Tikki adong barita na so denggan, dang porlu botoonmuna sude taringot barita i. Molo pagodanghu diboto hamu taringot barita i, boi do i mambahen hamu gabe mabiar jala marsak.

   Prinsip ni Bibel: “Dos songon ubat na mambahen malum do las ni roha.”—Poda 17:22.

   “Memang penasaran do hita naeng torus mangalului akka barita na terbaru dohot barita na mambahen heboh akka jolma. Alai kebiasaan na so denggan do i. Saonari nungnga hubatasi sadia godang barita na ikkon hujaha. Hasilna, gabe uttenang ma perasaanku.”—Si John.

   Coba ma pikkirhon: Porlu do memang ikkon botoonmuna sude barita na terbaru?

•  Bahen ma jadwal na teratur. Upayahon ma dungo, mangan, mangulahon akka ulaon na asing, dohot modom sarupa tikkina setiap ari. Molo nungnga adong jadwalmuna setiap ari, gabe terbiasa ma hamu jala dang pola godang be na ikkon dipikkirhon hamu.

   Prinsip ni Bibel: “Parohon laba do sakkap ni halak na ringgas.”—Poda 21:5, surat na di toru.

   “Tikki baru-baru masa pandemi COVID-19, dang huihutton be jadwalhu na biasa huulahon. Ujungna, habis ma tikkikku holan na menikmati hiburan. Alai didok rohakku ma, ikkon denggan do hupakke tikkikku. Jadi, hubahen ma muse jadwal aha na ikkon huulahon ganup ari.”—Si Joseph.

   Coba ma pikkirhon: Adong do dibahen hamu jadwalmuna ganup ari jala puas do dirasa hamu dung diulahon hamu jadwalmuna i?

•  Torus ma pikkirhon akka hal na positif. Molo sai torus do taingot akka na so denggan na masa di tikki naung salpu, jala tabayakkon muse terjadi akka na so denggan boi do gabe lam khawatir hita. Daripada songon i diulahon hamu, tumagon ma coba ingot dua manang tolu akka na denggan naung dijalo hamu.

   Prinsip ni Bibel: “Toktong ma hamu mandok mauliate.”—Kolosse 3:15.

   “Molo hujaha Bibel holan akka na denggan nama na hupikkirhon, dang hulului be akka informasi na so denggan. Sederhana do memang hata on, alai nungnga hurasahon balga do manfaatna molo diulahon i.”—Si Lisa.

   Coba ma pikkirhon: Na unjotjot do dipikkirhon hamu akka na so denggan gabe lupa hamu tu akka na denggan?

•  Urupi ma na asing. Mungkin unlomo do rohamuna menyendiri tikki adong sipikkiranmuna. Alai daripada mangulahon songon i, coba ma pikkirhon aha na boi diulahon hamu lao mangurupi na asing.

   Prinsip ni Bibel: “Unang ma holan mamparrohahon na porlu di hamu, alai parrohahon ma na porlu di na asing.”—Pilippi 2:4.

   “Lomo do rohakku mangurupi na asing ala boi hubahen las roha ni nasida, jala au pe gabe marlas ni roha. Asing ni i, molo sibuk au mangurupi na asing gabe dang sai hupikkirhon be aha na mambahen au khawatir.”—Si Maria.

   Coba ma pikkirhon: Adong do ditanda hamu halak na porlu diurupi? Aha do na boi diulahon hamu lao mangurupi nasida?

•  Jaga ma kesehatan. Olahraga ma hamu jala cukkup istirahat. Allang ma sipanganon na bergizi. Molo dijaga hamu kesehatanmuna, boi ma hamu marpikkiran na denggan jala dang terlalu khawatir.

   Prinsip ni Bibel: “Otik do guna ni olahraga.”—1 Timoteus 4:8, surat na di toru.

   “Nang pe au dohot anakku dang boi olahraga di luar, alai tetap do rutin hami olahraga di jabu. On mangurupi hami gabe lam bahagia jala hubunganku tu gellengku pe lam denggan.”—Si Catherine.

   Coba ma pikkirhon: Porlu do dipadenggan hamu pola makanmuna jala porlu do unjotjot hamu olahraga asa lebih sehat?

 Asing ni akka saran na di ginjang i, mamparsiajari akka janji ni Debata na adong di Bibel taringot ari na naeng ro boi do mambahen halak dang terlalu khawatir. Jaha ma artikel “Aha do na Lao Ulahonon ni Harajaon ni Debata?”