Di bulan Maret 2020, didok Organisasi Kesehatan Dunia ma molo COVID-19 nungnga gabe sada pandemi. Dirippu godang halak, dang songon on lelengna masa pandemi on. Hape nungnga lobi sian sataon masa pandemi on. Alani pandemi, marjuta halak termasuk ma Saksi Jahowa gabe marsak, marsahit, jala susa di parhepengon. Songon dia do Saksi Jahowa mangatur jala mangalehon akka bantuan saleleng pandemi on?

 Diarahon Panitia Koordinator sian Punguan na Mangaradoti ni Saksi Jahowa ma, asa dibahen lobi sian 950 Panitia Penanggulangan Bencana (PPB) di seluruh dunia lao mangurupi akka na hona dampak ni COVID-19. Di piga-piga daerah, diatur nasida ma asa dilehon akka donganta na adong di daerah i bantuan tu akka donganta na adong disi. Jala di daerah na asing, diurupi nasida do muse akka donganta asa boi mandapot bantuan sian pamaretta. Jala diatur akka PPB on do muse asa dilehon godang bantuan.

 Contohna, songon na masa di Paraguay. Sada surat kabar paboahon, alani pandemi on “gabe godang do akka halak di Paraguay na kelaparan”. Alai PPB di Paraguay, pittor hatop do mangalehon akka paket bantuan. Isi ni paket i, i ma sipanganon, bahan-bahan pembersih dohot akka kebutuhan kebersihan diri. Ganup paket, cukkup do i dipakke saleleng dua minggu molo adong opat halak di keluarga i. Jala arga ni tiap paket lobi sian 400 ribu rupiah.

 Songon dia do akka halak na mangalehon bantuan i dohot halak na asing boi tetap manjaga diri asa unang hona COVID-19? Dipakke nasida do masker jala tetap jaga jarak. Dung i, dipastihon nasida do muse akka perusahaan tempat ni nasida manuhor akka sipangonon i, ikkon adong fasilitas sanitasina jala ikkon mangihutton protokol kesehatan. Jala sude akka donganta na dohot mangurus paket i ikkon mamakke pelindung diri, tetap ias, jala ikkon disanitasi nasida do kendaraan na dipakke lao mangangkat paket i. Jala ikkon disanitasi do muse inganan lao mameakkon paket i. Jala akka halak na mambagihon paket i pe, ikkon tetap do jaga jarak sian akka donganta na manjalo paket i.

 Sahat tu bulan Januari 2021, nungnga disetujui Panitia Koordinator lao mangalehon bantuan lobi sian 360 milliar rupiah tu akka na hona dampak ni COVID-19. Denggan do kantor cabang dohot PPB mamakke akka sumbangan i. Jala berupaya do nasida asa mandapot arga na cocok lao manuhor akka barang na lao dituhor. Contohna songon di Cile. Diatur akka donganta do lao manuhor 750 kilogram akka kacang lentil. Alai di bagasan sabulan, naik do arga ni kacang i dua hali loppit. Nang pe songon i, setuju nasida manuhor kacang i, nang pe tibbo argana. Alai dua jam dukkon i dipaboa partiga-tiga i ma adong panuhor na paulakkon barangna naung dipesan hian. Ujungna dituhor akka donganta i ma kacang na dipaulak i sarupa tu arga naung leleng.

 Alai tikki ro akka donganta i lao mambuat kacang i, dipanaek partiga-tiga i do muse argana. Didok ibana do akka donganta i sarupa songon organisasi na asing dang adil tikki mambagi bahan makanan. Dung i, adong ma sahalak donganta martangiang di bagasan rohana, jala dipaboa ibana ma songon dia pengaturan naung dibahen nasida. Nungnga disurvei nasida ganup huria asa diboto, ise do sasittongna na membutuhkan bantuan. Ala marragam do suku ni akka dongan na manjalo bantuan on, disesuaihon nasida do isi ni paket na lao dilehon. Jadi, didok akka donganta on ma tu akka partiga-tiga i, molo sude hepeng na dipakke nasida lao manuhor paket bantuan i, sian sumbangan na dilehon akka Saksi Jahowa do. Jala akka dongan na dohot mangurupi mangalehon sumbangan on pe, dang digaji. Gabe longang ma partiga-tiga i mambege i. Jadi, setuju ma partiga-tiga i mangorui arga ni kacang lentil i, jala naeng disumbangkon ibana do muse 400 kilogram nai tikki dipesan akka donganta on muse kacang i.

 Adong ma sahalak janda na matua di Liberia na margoar si Lusu, na rap tinggal dohot lima anggota keluargana. Tikki sarapan nasida sambil ayat harian, diparrohahon pahoppuna na marumur pitu taon ma na so adong be sipanganon ni nasida di jabu. Dung i didok pahoppuna i ma, “Aha ma annon lao allangotta?” Jadi didok si Lusu ma tu pahoppuna i, nungnga martangiang ibana tu Jahowa jala pos do rohana urupan ni Jahowa do nasida. Jadi dung botari, adong ma telepon tu si Lusu sian sintua na di huria lao paboahon, asa ro ibana mambuat bantuan makanan lao di nasida. Didok si Lusu, “Saonari nungnga diboto pahoppukku be na dialusi Jahowa do tangiangta ala dialusi Jahowa do tangiangku.”

 Adong sahalak borua di Republik Demokratik Kongo, na tetanggana Saksi Jahowa. Dung diida ibana tetanggana i mandapot bantuan makanan sian dongan sahaporseaonna, gabe didok ma, “Dung pandemi on, gabe Saksi Jahowa ma hita. Alana di tikki susa, parduli do nasida tu dongan sahaporseaonna.” Alai didok suami ni borua on ma, “Naeng gabe Saksi Jahowa ho holan alani sakarung boras?” Didok borua i ma, “Dang alani i, alai sakarung boras na dilehon nasida i patuduhon, alani holong ni nasida do tu akka donganna.”

 Gabe boi do hatop Saksi Jahowa mangalehon bantuan tu akka donganna saleleng pandemi on alani akka sumbanganmuna. Mandok mauliate do hami tu sude akka sumbanganmuna na dilehon marhite godang cara di situs donate.ps8318.com.