Akka bawa na mamasang pipa utama ni aek di toru ni tano, jala dipakke nasida do dua mesin penggali (ekskavator). Di pudi ni proyek on tarida Gedung Kantor.

Akka kontraktor lagi mamasang panel di luar ni gedung i. Warna dohot rancangan ni panel i disesuaihon do tu lingkungan na disi.

Dung sae dicor lantai beton ni gedung i, dipakke akka kontraktor do mesin na boi mambahen lantai i halus, marhillong jala asa tahan leleng.

Songon on ma lokasi ni proyek i molo diida sian ginjang. Di tonga-tonga ni gambar i, adong akka donganta na paiashon inganan na lao gabe tempat parkir di dalan masuk utama. Di bagian kiri atas gambar i, tarida ma rangka baja naung sae dipasang na dibahen di ruangan lobi utama jala boi do i manghubukkon dua gedung kantor. Sian pudi ni kantor i tarida Gedung Produksi Utara dohot Gedung Produksi Selatan.

Sahalak borua na karejona mangukkur tano, mamareso hasil karejo ni akka donganta di area luar gedung. Ala nungnga sian mulana di karejoi taman ni proyek i, gabe bagak ma idaon akka suan-suan na adong di inganan i molo nga sae proyek i.

Dicet sahalak bawa dohot borua ma lantai na lao dibahen gabe tempat parkir. Tikki dicet lantai i, dipakke borua i do sepatu na khusus asa unang adong bekas ni patna di lantai naung dicet i. Cet on mambahen tahan leleng lantai i jala mura dipaias molo adong oli di lantai i. Cocok do dicet lantai i alana lao inganan parkir do on.

Dua donganta mangukkur jala mamotong ratte na lao dipakke manggattungkon pemanas ruangan. Pemanas on mambahen sude ruangan i gabe las.

Dicet akka donganta ma bagian dalam ni Gedung Kantor i mamakke cet dasar. Di ginjang ni tiap ruangan kantor adong HVAC (Pemanas, Ventilasi, dohot AC) jala dibukkus do i dohot plastik na birong asa unang sega.

Dua borua mamasang rangka baja. Di toru ni rangka on ma annon dibahen meja penerima tamu.

Kontraktor mamakke alat derek khusus (spider crane) mangangkat kaca na lao dipasang di luar ni ruang makan dohot aula.

Opat donganta borua mamasang soket (penyambung) di ujung ni kabel data. Gedung Kantor on adong opat lantai. Di ganup lantai adong hira-hira 50 kilometer ganjang ni kabel data na dipasang di toru ni lantai. Agak timbo do dibahen lantaina dos songon panggung. Dibahen pe songon i asa mura do direnovasi molo naeng diubah bentuk ni kantor i.

Tim Tanggap Darurat marlatik menyelamatton sahalak donganta bawa na madabu sian peranca. Ala dipakke donganta i do tali keselamatan, gabe gattung-gattung ma ibana.

Sahalak donganta borua jolo mamastihon timbo ni tano na lao dibahen gabe trotoar andorang so dibahen dope paving block. Dilabbungna adong mesin na manggali tano asa boi disuan hau hornbeam.

Songon on ma lokasi ni proyek i molo diida sian ginjang. Dipasang do panel surya di dua gedung produksi dohot di Gedung Kantor. Panel surya on boi do mangubah cahaya ni mataniari gabe listrik.

Sahalak donganta bawa mamasang ubin marmer di lobi ni lantai tolu. Lapisan na warna oren on dibahen di antara ni marmer dohot lapisan na di toru. Jadi, molo margeser pe lapisan na ditoru i, dang gabe retak manang pocah marmer i.

Akka relawan na antri mambuat makan siang di ruang makan sementara. Di ruang makan on disediahon do 1.000 piring sipanganon ganup ari jala tolu hali ma nasida margiliran paradehon sipanganon i.

Akka truk na papindahon bahan bangunan sian pudi ni Gedung Kantor. Di sabola kanan, nungnga dipasang penghalang cahaya di ganup tiang asa unang masuk cahaya mataniari tu ruang makan dohot aula.

Di tahap parpudi, akka tim mamasang karpet. Adong do akka relawan na mangurupi nasida na ro di Hari Khusus Relawan. Godang do relawan na diundang sian sude huria na di Inggris dohot na di Irlandia asa ro mangurupi di ari i. Alani i, di ujung ni bulan Februari, adong ma lobi sian 5.500 akka donganta na dohot mangurupi proyek i.

Kontraktor mambahen dinding pemisah di tonga-tonga ni gedung i. Lao manjaga keselamatan ni akka halak na karejo, dibahen do akka tiang na oren di jonok ni akka alat pengangkat na dipakke.

Sahalak donganta bawa dohot sahalak donganta borua manapu. Jala relawan na asing mamasang lantai na dibahen agak timbo songon panggung. Inganan on ma na lao dibahen gabe lobi utama.