Ezai 52:1-15
52 Ee Siɔn,+ tinnge! Tinnge! Fa wunmiɛn’n wla ɔ wun kɛ tralɛ sa.+Ee Zerizalɛmun, klɔ m’ɔ ti Ɲanmiɛn liɛ klonglo’n, wla ɔ tralɛ nglanman mun.+Afin sran nga b’a wlɛmɛn i klɛn’n, ɔ nin sran ng’ɔ ti fiɛn’n be su wluman ɔnun kun.+
2 Ee Zerizalɛmun, jaso kpukpu ɔ wun ndutre’n naan tran ase.Ee, Siɔn i wa bla mɔ be trɛli i’n, yi ɲanman mɔ be fa cili ɔ kɔmin’n.+
3 Afin ndɛ nga Zoova kan’n yɛ:“Be yoli amun atɛ, sika w’a fiteman nun,+Yɛ kɛ bé wá kpɔ́ amun ti kusu’n, be su tanninman sika.”+
4 Afin ndɛ nga e Min Zoova m’ɔ Sie Like Kwlakwla’n ɔ kan’n yɛ:“I klikli’n nun’n, min nvle’n nunfuɛ’m be ɔli Ezipti, be kacili aofuɛ lɔ.+Kpɛkun Asirifuɛ’m be kleli be yalɛ ngbɛn.”
5 “?Ɔ maan ngue yɛ ɔ fata kɛ n yo i wa-ɔ? Ndɛ nga Zoova kan’n yɛ ɔ o lɛ-ɔ.“Afin be fali min nvle’n nunfuɛ mun ngbɛn, sika w’a fiteman nun.Be nga be sie be’n be kpan kwlalɛ kpanlɛ titi be su,”+ ndɛ nga Zoova kan’n yɛ ɔ o lɛ-ɔ,“yɛ titi’n, aliɛ ba kwlaa nun’n, be yo min dunman’n i finfin.+
6 I sɔ’n ti’n, min nvle’n nunfuɛ’m bé wá sí min dunman’n.+I sɔ’n ti’n, cɛn sɔ’n nun’n, bé wá sí kɛ min yɛ n kan ndɛ’n niɔn.Nanwlɛ, min-ɔn!”
7 Sran ng’ɔ fin oka’m be su lɔ m’ɔ su ba jasin fɛ bolɛ’n, i ja’m be ti nglanman-o!+Ɔ kan fɔundi dilɛ ndɛ,+ɔ fa like kun m’ɔ ti kpa’n i su jasin fɛ’n ba,ɔ kan delɛ ndɛ,ɔ se Siɔn kɛ: “Ɔ Ɲanmiɛn’n w’a kaci Famiɛn!”+
8 Sie ɔ su! Ɔ klɔ sasafuɛ’m be su kpan.Be kpan aklunjɔɛ kpanlɛ likawlɛ,kɛ Zoova wá fá Siɔnfuɛ mun sá be sin’n, bé wá wún i weiin.
9 Zerizalɛmun lika mɔ b’a bubu’n, maan amun klun jɔ, amun kpan aklunjɔɛ kpanlɛ likawlɛ,+afin Zoova fɔnvɔli i nvlefuɛ mun,+ ɔ kpɔli Zerizalɛmun i ti.+
10 Zoova yili i sa m’ɔ ti i liɛ ngunmin’n kleli nvlenvle’m be kwlaa,+asiɛ’n i tiwatiwa’m be kwlaa bé wún sa nga e Ɲanmiɛn’n yo be fa de sran mun’n.+
11 Amun mɔ amun sua Zoova i ninnge mun’n,+amun wɔ mmua, amun wɔ mmua, amun jaso lɔ,+ nán amun kan like fiɛn fi!+Maan amun fin lɔ fite,+ amun ka sanwun.
12 Kɛ amún kɔ́’n srɛ su kunman amun,yɛ amun su wanndiman,afin Zoova dún mmua amun ɲrun,+Izraɛli Ɲanmiɛn’n ɔ́ ká amun sin lɔ ɔ́ sásá amun.+
13 An nian! Min sufuɛ’n+ yó sa ngwlɛlɛ su.Ɔ́ yó dan,ɔ́ ɲán ɲrun, yɛ i dunman’n fú kpa.+
14 Kɛ sran kpanngban be wunnin i’n, be nuan boli be wun,afin wafa ng’ɔ ti’n, ɔ kacili dan trali klɔ sran onga mun,ɔ ti klanman dan tra klɔ sran mun.
15 Ɔ maan ɔ́ wá yó maan nvlenvle kpanngban bé kpíti.+Famiɛn’m bé múan be nuan* i ɲrun,+afin bé wún like nga b’a kɛnmɛn i ndɛ b’a kleman be’n,yɛ bé fá be ɲin bé síe i ndɛ nga b’a timan’n su.+
Ja ngua lɔ ndɛ mun
^ Annzɛ “be su ijɔman.”
