Ezai 60:1-22
60 “Ee, mmo bla, jaso,+ yo maan lika’n kpaja, afin ɔ kannin’n w’a ba.Zoova i aɲrunɲan’nkpaja ɔ su.+
2 Afin nian! Aosin’n káta asiɛ’n su,aosin tuun’n káta nvlenvle’m be su.Sanngɛ Zoova wá kpája ɔ su,bé wá wún i aɲrunɲan’n ɔ su.
3 Nvlenvle’m bé kɔ́ ɔ kpajalɛ’n i wun lɔ,+yɛ famiɛn’m+ bé kɔ́ ɔ aɲrunɲan m’ɔ kpaja’n* i wun lɔ.+
4 Man ɔ ɲin su naan niannian ɔ wun lɛ!Be kwlaa be ti w’a yia, be su ba ɔ sin.Ɔ mma yasua’m be te fin mmua be te ba,+ɔ nin ɔ mma bla mɔ kɛ bé bá’n, be san sran’m be nvɛnwun’n.+
5 Blɛ sɔ’n nun’n, á wá wún sa sɔ’n, kpɛkun á dí aklunjɔɛ,+ɔ awlɛn’n ɔ́ sí kpukpukpu, yɛ ɔ aklunjɔɛ’n ɔ́ yó dan,afin jenvie’n i aɲanbeun’n ɔ́ wá káci ɔ su lɔ.Yɛ nvlenvle’m be ninnge kpakpa mun bé wá báɔ sin.+
6 Ɲɔnngɔnmin kpanngban bé wá yí ɔ mɛn’n piɛ,Madian nin Efa lɔ ɲɔnngɔnmin gbanflɛn mun+ bé wá yí i piɛ.Sabafuɛ mun be kwlaa bé bá.Bé fá sika ɔkwlɛ nin ansan ufue bé bá.Bé wá kán Zoova i aɲrunɲan’n i ndɛ.+
7 Kedaa+ lɔ nnɛn’m be kwlaa be ti wá yía ɔ wun lɛ.Nebaiɔtu+ lɔ bua ɲin mun bé wá káci ɔ liɛ,*bé wá bá min tɛ yiwlɛ’n su, yɛ min klun jɔ́ su,+kpɛkun ń má yó maan min sua dan’n yó klanman.+
8 ?Wan mun yɛ be tu kɔ kɛ ɲanmiɛn ble’n sa,mɔ be tu kɔ kɛ auble mɔ be su kɔ be sua’n nun’n sa’n niɔn?
9 Afin lika nga nzue bo sin yia be’n bé wá fá be wla gúa min su.+Taasisi lɔ mmeli mun b’a dun mmua,naan bé fá ɔ mma yasua mun mmua lɔ bé bá,+ɔ nin be sika’n nin be sika ɔkwlɛ’n,naan bé mánmán ɔ Ɲanmiɛn Zoova i dunman’n, Izraɛli Ɲanmiɛn m’ɔ ti Sanwun’n,afin ɔ́ wá yó maan á ɲán ɲrun.*+
10 Aofuɛ’m bé wá kplán ɔ talɛ mun,yɛ be famiɛn’m bé sú wɔ,+afin ya mɔ n fali’n ti’n, n yoli ɔ like yaya,sanngɛ min klun ufue’n ti’n, ń má sí ɔ aunnvɔɛ.+
11 Ɔ anuan mun bé lá su titi,+be su ɲinman be wia nun nin kɔnguɛ,bé fá nvlenvle’m be ninnge kpakpa mun bé blɛ́ wɔ,yɛ be famiɛn mun bé dún mmua be ɲrun.+
12 Afin nvle kwlaa nin famiɛn diwlɛ kwlaa nga be su suman wɔ’n, bé núnnún,nvlenvle sɔ’m bé núnnún mlɔnmlɔnmlɔn.+
13 Liban lɔ aɲrunɲan’n ɔ́ báɔ sin,+zenevrie waka’n nin frɛnin waka’n, ɔ nin siprɛsi waka’n bé bá likawlɛ,+bé wá yó lika nga min sua’n o nun’n i klanman.Ń má yó maan lika nga n takataka min ja’m be lɛ’n ɔ́ ɲán ɲrun.+
14 Be nga be kle ɔ yalɛ’n, be mma’m bé bá, yɛ bé kóto ɔ ɲrun lɛ.Be kwlaa nga be yoli ɲin kekle ɔ su’n, bé wá kóto ɔ ja’m be wun lɛ,yɛ bé wá flɛ́ wɔ kɛ Zoovai klɔ,bé flɛ́ wɔ kɛ Izraɛli Ɲanmiɛn m’ɔ ti Sanwun’n i Siɔn.+
15 A tɔli srolo, be kpɔli wɔ, yɛ sran fi w’a sinman ɔ nun kun,+ sanngɛ ɔ su yoman sɔ kun.Ń má yó maan bé fá wɔ bé dí be nuan tititi,ń má yó maan ɔ dunman nun’n, sran’m bé dí aklunjɔɛ blɛ kwlaa nun.+
16 Á wá nɔ́n nvlenvle’m be nɔnnɔn’n,+á wá nɔ́n famiɛn’m be wunflɛn’n.+Kpɛkun á wá wún i wlɛ weiin kɛ min Zoova n ti ɔ Defuɛ,Zakɔbu i Ɲanmiɛn m’ɔ le tinmin kpa’n, ɔ ti ɔ Ti Kpɔfuɛ.+
17 Sika ɔkwlɛ yɛ ń fá bá-ɔ, n su faman aaba,sika yɛ ń fá bá-ɔ, n su faman blalɛ,aaba yɛ ń fá bá-ɔ, n su faman waka,blalɛ yɛ ń fá bá-ɔ, n su faman yɔbuɛ.Ń fá fɔundi’n ń yó ɔ sunianfuɛ,yɛ ń fá sa nuan su sɛsɛ yolɛ’n ń yó ɔ junman sunianfuɛ.+
18 Be su timan nzaje sa yolɛ ndɛ kun ɔ mɛn’n nun,be su timan like sacilɛ nin like nunnunlɛ ndɛ ɔ mɛn’n nun.+Á wá flɛ́ ɔ talɛ’m be kɛ Delɛ,+ yɛ á wá flɛ́ ɔ anuan’m be kɛ Manmanlɛ.
19 Afin wia nun’n, wia’n su yoman ɔ kannin kun,yɛ anglo’n su taman ɔ su kun,afin Zoova wá káci ɔ kannin kun m’ɔ́ ká lɛ tititi-ɔ,+yɛ ɔ Ɲanmiɛn’n ɔ́ wá yó ɔ aɲrunɲan.+
20 Ɔ wia’n su tɔman kun,yɛ ɔ anglo’n su yaciman talɛ,afin Zoova wá káci ɔ kannin kun m’ɔ́ ká lɛ tititi-ɔ,+a su tranman sɛ nun kun.+
21 Ɔ nvle’n nunfuɛ’m be kwlaa bé yó sa kpa,nvle’n yó be liɛ tititi.Be yɛ be ti like mɔ n tali mɔ w’a fɛfɛ’n niɔn,be ti min sa nuan like,+ kɛ ɔ ko yo naan b’a manman min’n ti.+
22 Be mɔ b’a sɔnman’n bé wá trɛ́ bé jú akpi (1.000),yɛ be mɔ be leman ɲrun’n bé wá káci nvle kun m’ɔ le kwlalɛ-ɔ.Blɛ m’ɔ ti i su’n nun’n, n bɔbɔ min Zoova, ń má yó maan sa sɔ’m bé jú ndɛndɛ.”
Ja ngua lɔ ndɛ mun
^ Annzɛ “ɔ lika’n i cɛnlɛ m’ɔ kpaja’n.”
^ Ebr., “bé sú wɔ.”
^ Annzɛ “á yó klanman.”
