Jue Mun 46:1-11
Ɔ ti jue tofuɛ’m be su kpɛn’n i liɛ. Kore i mma’m+ be jue’m be nun kun-ɔn. Alamɔtu* su yɛ be nian-ɔn.
46 Ɲanmiɛn ti e fiawlɛ nin e wunmiɛn,+ɲrɛnnɛn blɛ’n nun’n, e kwla ɲan ukalɛ i sa nun titi.+
2 I sɔ’n ti yɛ kannzɛ bɔbɔ asiɛ’n kaci’n,kannzɛ oka’m be tɔ jenvie’n i bo mmua lɔ’n, srɛ su kunman e’n niɔn.+
3 Kannzɛ i nun nzue’n keje naan ɔ bo nglo’n,+kannzɛ i kejelɛ’n ti’n,oka’m be keje’n, srɛ su kunman e. (Sela)
4 Nzue ba kun o lɛ’n, i sama’m be yo maan Ɲanmiɛn i klɔ’n di aklunjɔɛ,+Ɲanmiɛn m’ɔ o Like Kwlaa Ti Su’n i tannin sua dan m’ɔ ti sanwun’n niɔn.
5 Ɲanmiɛn o klɔ’n nun,+ be kwlá utumɛn i.
Aliɛ njɛnniɛn su’n, Ɲanmiɛn wá dé i.+
6 Nvlenvle’m be kejeli, be utuli famiɛn diwlɛ mun.
Kɛ ɔ mɛnnin i nɛn’n su’n, asiɛ’n kloli.+
7 Zoova m’ɔ ti sonja’m be su kpɛn’n wo e sin.+
Zakɔbu i Ɲanmiɛn’n ti e fiawlɛ kpa. (Sela)
8 Amun bla naan amun nian sa nga Zoova yo be’n,amun nian abonuan ninnge ng’ɔ yo be asiɛ’n su’n.
9 Ɔ yo maan alɛ kunlɛ’n wie asiɛ wunmuan’n su.+
Ɔ bubu ta’n nin cua’n be nun.
Ɔ yra alɛ kunlɛ kakaklolo mun* sin nun.
10 “Maan amun lo amun wun, yɛ maan amun si kɛ n ti Ɲanmiɛn.
Bé mánmán min nvlenvle’m be nun.+
Bé mánmán min asiɛ’n su.”+
11 Zoova m’ɔ ti sonja’m be su kpɛn’n wo e sin.+
Zakɔbu i Ɲanmiɛn’n ti e fiawlɛ kpa.+ (Sela)
