Zeremin 16:1-21
16 Zoova kannin ndɛ kleli min ekun. Ɔ seli min kɛ:
2 “Nán ja bla, yɛ nán wu ba yasua nin ba bla lika nga nun wa.
3 Afin ba yasua nin ba bla nga be wuli be lika nga nun wa’n, nin be nin nga be wuli be’n, ɔ nin be si nga be wuli be nvle nga nun’n, be wun ndɛ nga Zoova kan’n yɛ:
4 ‘Tukpacɛ tɛtɛ’m bé kún be,+ sanngɛ sran fi su sunman be, yɛ be su sieman be. Bé káci kɛ angrɛ sa asiɛ’n su.+ Bé fá tokofi kún be yɛ awe’n kún be lele bé wú.+ Be fuɛn’m bé káci anunman mun nin blo nnɛn’m be aliɛ.’
5 Zoova waan yoo:‘Nán kɔ awlo kun mɔ be su di sɛ bo aliɛ lɔ’n nun,nán ko sun, yɛ nán yo be yako.’+‘Afin n su manman nvle nga nunfuɛ’m be fɔundi kun.’ Zoova yɛ ɔ kan sɔ-ɔ.‘N su yoman be ye kun, yɛ n su siman be aunnvɔɛ kun.+
6 Be nga be le ɲrun-o, be nga be leman ɲrun-o, be kwlaa bé wú lika nga nun wa.Sran fi su sieman be,sran fi su sunman be,yɛ sran fi su bobomɛn i wun kannin. Sran fi su kpumɛn i ti’n su be dunman nun.*
7 Sran fi su manman be nga be sran w’a wu’nbe aliɛ kɛ ɔ́ fá fɔ́nvɔ be,yɛ sran fi su manman be nga be si annzɛ be nin w’a wu’nbe nzan kɛ ɔ́ fá yó be yako.
8 Nán kɔ awlo nga be su di cɛn nun’n i nunnaan a nin be nga be o lɔ’n be tran be di like naan be nɔn nzan.’
9 “Afin Zoova m’ɔ ti sonja’m be su kpɛn’n, m’ɔ ti Izraɛli Ɲanmiɛn’n waan yoo: ‘Amun blɛ su’n, amun bɔbɔ amun ɲin bo lɛ’n, ń yó maan be su timan bo srolɛ’n nin aklunjɔɛ kpanlɛ’n kun lika nga nun wa. Yɛ ń yó maan be su timan bian nga w’a ja bla uflɛuflɛ’n nin bla nga w’a ja bian uflɛuflɛ’n be nɛn’n kun.’+
10 “Kɛ á wá kán ndɛ kwlaa sɔ mun klé nvlefuɛ mun’n, bé wá úsa ɔ kɛ: ‘?Ngue ti yɛ Zoova kannin kɛ ɲrɛnnɛn dan kɛ ngalɛ’n sa’n ɔ́ wá tɔ́ e su-ɔ? ?Fɔnlɛ nga e fɔnnin Zoova m’ɔ ti e Ɲanmiɛn’n i wun’n yɛle benin? ?Yɛ sa tɛ benin yɛ e yoli i-ɔ?’+
11 Tɛ be su kɛ: ‘Zoova waan yoo: “Kɛ mɔ amun nannan’m be kacili be sin sili min,+ mɔ be ko suli amuin’m be su, mɔ be sɔli be yɛ be kotoli be bo’n i ti-ɔ.+ Be yili min ase yɛ b’a nantiman min mmla’n su.+
12 Amun kusu amun tɛ liɛ’n, w’a tra amun nannan’m be liɛ’n lelele.+ Like nga amun klun akunndan m’ɔ ti tɛ’n ɔ su amun bo kɛ amun yo’n, yɛ amun yo-ɔ. Amun nantiman min nuan ndɛ’n su.+
13 I sɔ’n ti’n, ń fá amun nvle nga nun ń tó amun ń yí i nvle kun mɔ amun bɔbɔ-o, amun nannan mun-o, amun siman lɔ’n i nun.+ Yɛ amún kó sɔ́ amuin mun wia nun nin kɔnguɛ,+ afin n su siman amun aunnvɔɛ.”’
14 “Zoova waan yoo: ‘Sanngɛ blɛ kun wá jú’n, ndɛ nga be kɛn i titi se kɛ: “N kan Zoova m’ɔ lafiman’n, m’ɔ fali Izraɛlifuɛ mun Ezipti lɔ fiteli’n,” be su kɛnmɛn i kun.+
15 Sanngɛ bé sé kɛ: “N kan Zoova m’ɔ lafiman’n, m’ɔ fali Izraɛlifuɛ mun nvle ng’ɔ o nglo lɔ lika’n nun nin nvle kwlaa ng’ɔ fa be ɔli nun’n be nun bali’n,” yɛ ń fá be ń sá be sin be nvle’n nun. Nvle sɔ’n yɛ n fa mannin be nannan mun-ɔn.’+
16 Zoova waan yoo: ‘N su sunman jue trafuɛ kpanngban kpa,yɛ bé kó trá be.I sin’n, ń má súnman koniɛn difuɛ kpanngban kpa,yɛ bé kó dí be wun koniɛn oka’m be kwlaa be su nin kpɔlɛ’m be kwlaa be su,ɔ nin yɔbuɛ buɛ’m be nun.
17 Afin min ɲin ta like kwlaa nga be yo’n.*Be timan fiawa min ɲrun,yɛ be sa tɛ’n kusu timan fiawa min ɲrun.
18 Be sa tɛ’n ɔ nin be fɔnlɛ nga be fɔnnin’n, i ti akatua wunmuan’n yɛ ń dún mmua ń fá mán be-ɔ.+Afin be fali ninnge nga be sɛli be mɔ be leman nguan’n,* ɔ nin be amuin mɔ be ti like kain’n be sacili min nvle’n,yɛ be fali be tete ninnge sɔ mun be yili min lika’n* i piɛ.’”+
19 Ee Zoova, wɔ yɛ a man min wunmiɛn-ɔn, wɔ yɛ a sasa min-ɔn,ɲrɛnnɛn blɛ’n nun’n, ɔ sin yɛ n wanndi n ko fia-ɔ,+nvlenvle’m bé fín asiɛ’n i tiwatiwa’m be su bé báɔ sin.Kpɛkun bé sé kɛ: “Like nga e nannan’m be ɲɛnnin i’n, ɔ ti ato like,ɔ ti finfin like, ɔ yoman safi ye.”+
20 ?Klɔ sran kwla yo i bɔbɔ i tiaun ɲanmiɛn?Ninnge sɔ’m be timan ɲanmiɛn sakpasakpa.+
21 “I sɔ’n ti’n, ń má klé be like naan be si sa,afuɛ’n liɛ’n, ń má klé be like naan be si kɛ n le wunmiɛn, yɛ n le tinmin,yɛ bé wá sí kɛ min dunman’n yɛle Zoova.”
Ja ngua lɔ ndɛ mun
^ Kɛ amuin sɔfuɛ’m bé yó sɛ’n, i sɔ yɛ be yo-ɔ. Kɔlɛ’n i nun mɔ Izraɛlifuɛ’m be kacili be sin sili Ɲanmiɛn’n, be yoli sɔ wie.
^ Ebr., “min ɲinma o be atin’m be kwlaa be su.”
^ Ebr., “fuɛn mun.”
^ Ebr., “min aja like’n.”
