Salmo 5:1-12
Para sa direktor nin musika para sa Nehiloth.* Salmo ni David.
5 Dangugon mo an mga sinasabi ko, O Jehova;+Mangnuha tabi an sakong mga pag-agrangay.
2 Tawan mong atensiyon an paghagad ko nin tabang,O sakong Hadi asin sakong Diyos, huling sa saimo ako namimibi.
3 O Jehova, pag aga madadangog mo an boses ko;+Pag aga ipapahayag ko sa saimo an kahaditan ko+ asin hahalat-halaton an simbag mo.
4 Huling saro kang Diyos na dai nauugma sa karatan;+Mayo nin siisay man na maraot an puwedeng magin saimong kaibanan.+
5 Mayo nin mapalangkaw na makakatindog sa saimong atubangan.
Ikinakaungis mo an gabos na naggigibo nin karatan;+
6 Lalaglagon mo an mga nagtataram nin mga kaputikan.+
Ikinakabaldi ni Jehova an mga madahas asin mapandayang tawo.*+
7 Alagad malaog ako sa harong mo+ huli sa saimong dakulang maimbod na pagkamuot;+Maduko ako paatubang sa banal na templo* mo na may pagkatakot asin hararom na paggalang sa saimo.+
8 O Jehova, giyahan mo ako sa saimong katanusan huling nakapalibot sa sako an mga kalaban;Gibuhon mong mayong ulang para sa sako an saimong dalan.+
9 Huling mayo sa mga sinasabi ninda an mapagtitiwalaan;An nasa kaisipan ninda puro maraot na intensiyon;An saindang halunan sarong nakabukang lubungan;Nambubuladas sinda paagi kan saindang dila.*+
10 Pero an Diyos ipapahayag sindang may sála;An sadiri nindang mga pakana an magpapabagsak sa sainda.+
Lugod na palayason mo sinda dahil sa dakul nindang paglapas,Huli ta nagrebelde sinda sa saimo.
11 Alagad an gabos na nagpapaili sa saimo mag-uurugma;+Pirmi sindang makurahaw na may kaugmahan.
Uulangon mo an mga gustong gumibo nin maraot sa sainda,Asin an mga namumuot sa saimong pangaran maggagaya-gaya.
12 Huling bebendisyunan mo an siisay man na matanos, O Jehova;Siring sa dakulang kalasag, an pag-uyon mo an maprotektar sa sainda.+
Mga Nota
^ O “an tawong nagpapabulos nin dugo asin nandadaya.”
^ O “santuwaryo.”
^ O “Naggagamit sinda nin mahalnas na dila.”
