Salmo 77:1-20
Para sa direktor nin musika; nasa istilong Jedutun.* Salmo ni Asaf.+ Sarong kanta.
77 Paagi kan sakong boses maagrangay ako sa Diyos;Sa Diyos maagrangay ako, asin dadangugon niya ako.+
2 Sa aldaw kan sakong kasakitan hinahanap ko si Jehova.+
Sa banggi, danay* na nakaunat an mga kamot ko pasiring sa saiya.
Dai pa man giraray ako* maranga.
3 Pag ginigirumdom ko an Diyos, nagsasakit an sakong buot;+Napupurisaw ako asin nagluluya an sakong kusog.*+ (Selah)
4 Pinupugulan mo an mga mata ko para dai magpirong;
Napupurisaw ako asin dai makagirong.
5 Iniisip-isip ko an mga aldaw kaidtong haloy nang panahon,+An mga taon kaidtong haluyon na an nakaagi.
6 Pag banggi, ginigirumdom ko an sakong kanta;*+Naghuhurop-hurop ako sa sakong puso;+Nagsisiyasat ako* nin matiyaga.
7 Sagkod lamang daw kitang isisikwal ni Jehova?+
Dai na daw niya kita nuarin man kakahirakan pa?+
8 Napara na daw sagkod lamang an maimbod na pagkamuot niya?
Mayo na daw sa gabos na henerasyon an makakahiling kan kautuban kan saiyang panuga?
9 Nalingaw na daw an Diyos na ipahiling an saiyang kabuutan,+O napara na daw an saiyang pagkahirak huli sa saiyang kaanggutan? (Selah)
10 Dapat ko daw na pirming sabihon: “Ini an nakakapurisaw* sa sako:+
An Kahuruhalangkawi nagbago na nin pagtratar* sa sato”?
11 Gigirumdumon ko an mga ginibo ni Jah;Gigirumdumon ko an makangangalas mong mga ginibo kaidtong haloy nang panahon.
12 Asin huhurop-hurupon ko an gabos mong ginigiboAsin iisip-isipon an saimong mga ginibo.+
13 O Diyos, banal an mga dalan mo.
Siisay na diyos an may kapangyarihan na arog kan sa saimo, O Diyos?+
14 Ika an tunay na Diyos, na naggigibo nin makangangalas na mga bagay.+
Ipinahiling mo sa mga banwaan an saimong kusog.+
15 Paagi kan saimong kapangyarihan* ilinigtas* mo an saimong banwaan,+An mga aki ni Jacob asin ni Jose. (Selah)
16 Nahiling ka kan katubigan, O Diyos;Nahiling ka kan katubigan asin napurisaw iyan.+
Asin an hararom na katubigan nagkariribok.
17 Nagbubo nin tubig an mga panganuron.
Nagdaguldol an mapanganuron na kalangitan,Asin an saimong mga pana nin kikilat nagralayog digdi asin duman.+
18 An tanog kan saimong daguldol+ garo mga ruweda nin karwahe;Inilawan kan mga silyab kan kikilat an iniistaran na daga;*+An daga nagkunog-kunog asin naglinog.+
19 Uminagi sa dagat an saimong dalan,+Uminagi sa dakul na katubigan an saimong agihan;Pero dai masusog an mga gira kan saimong bitis.
20 Giniyahan mo an saimong banwaan nin siring sa sarong aripumpon,+Sa pangangataman* ni Moises asin ni Aaron.+
Mga Nota
^ Sa literal, “dai namiminhod.”
^ O “an kalag ko.”
^ Sa literal, “espiritu.”
^ O “sakong musika sa instrumentong de-kuwerdas.”
^ Sa literal, “an espiritu ko.”
^ Sa literal, “tuong kamot.”
^ O “minatusok.”
^ Sa literal, “takyag.”
^ Sa literal, “tinubos.”
^ O “an mabungang daga.”
^ Sa literal, “Paagi sa kamot.”
