Mga Biskuwit Para sa mga Ayam
“KAN tigsuli kan 2014, piglalakaw-lakaw ko kaidto sa sentro su duwa kong sadit na ayam,” an sabi ni Nick, na nakaistar sa Oregon, U.S.A. “Sa parati, nasa sentro kan siyudad an mga Saksi ni Jehova; nakatindog sinda kataid kan saindang mga literature cart. Disente an bado ninda, saka mainamigo sindang nagngingirit sa gabos na minaagi.
“Mabuot an mga Saksi bako lang sa mga tawo kundi pati man sa mga ayam ko. Sarong aldaw, nakatindog kaidto si Elaine sa kataid kan cart, dangan tinawan niya nin mga biskuwit su duwa kong ayam na terrier. Pagkatapos kaiyan, kada maagi kami harani sa cart, gustong-gusto na kan mga ayam ko na magdulok sa mga Saksi para maghagad nin biskuwit.
“Dangan, naglihis an mga bulan. An mga ayam nasisiraman sa mga biskuwit, tapos ako man nag-e-enjoy sa haralipot na pakikipag-ulay sa mga Saksi. Pero habo ko kaidtong makipag-ulay sainda nin halawig. Labi na akong 70 anyos kaidto, saka dai ko sigurado kun ano an mga paniniwala kan mga Saksi. Disganado ako sa mga relihiyon na Protestante, kaya naisip ko na pinakamarahay na magsadiri na sana akong mag-adal nin Bibliya.
“Kan panahon man na idto, nakahiling ako nin ibang mga Saksi sa manlain-lain na parte kan siyudad, na nakatindog kataid kan saindang cart. Pirmi man sindang mainamigo. Pag may mga hapot ako, pirmi nindang sinisimbag iyan gamit an Bibliya, kaya lalo pa akong nagkaigwa nin tiwala sainda.
“Sarong aldaw, naghapot si Elaine, ‘Naniniwala ka po na an mga hayop regalo nin Diyos?’ Nagsimbag ako, ‘Iyo, siyempre!’ Dangan binasa sako ni Elaine an Isaias 11:6-9. Puon kaidto, gusto ko nang makanuod manungod sa Bibliya, pero habo ko pa man giraray mag-ako nin literatura.
“Kan suminurunod na aldaw, nagkaigwa kami nin haralipot pero interesanteng mga pag-uulay ni Elaine saka kan agom niyang si Brent. Sinabi ninda na basahon ko an libro nin Mateo sagkod sa Mga Gibo para masabutan ko an buot sabihon kan pag-arog ki Cristo. Kaya ginibo ko iyan. Dai nahaloy pagkatapos, nagpa-Bible study na ako ki Brent saka Elaine. Nangyari iyan kaidtong mga kabangaan kan 2016.
“Inaabangan ko pirmi an pag-Bible study mi kada semana pati man an mga pagtiripon sa Kingdom Hall. Ugmahon ako na nanunudan ko na kun ano talaga an sinasabi kan Bibliya. Pakalihis nin labi-labing sarong taon, nagin bawtisadong Saksi na ako. Ngunyan sa edad na 79, aram kong nasa tamang dalan ako. Binendisyunan ako ni Jehova paagi sa pagtabang sako na magin parte kan saiyang pamilya nin dusay na mga lingkod.”
Puwede Mo Man Magustuhan
PARATING MGA IHINAHAPOT
Ano an Pag-adal sa Bibliya na Iinaalok kan mga Saksi ni Jehova?
Sa interactive na programa nin pag-adal na iinaalok kan mga Saksi ni Jehova, puwede mong gamiton an arin man na traduksiyon nin Bibliya. Dai mag-alangan na imbitaran an saimong bilog na pamilya o an siisay man sa mga amigo mo na umiba saimo.
