Ano an Sinasabi kan Bibliya?
Gibo sana daw nin tawo an relihiyon?
AN SABI KAN IBA gibo sana nin tawo an relihiyon; para man sa iba ginagamit nin Diyos an relihiyon para tabangan an mga tawo na maparani sa saiya. Ano sa hiling mo?
AN SABI KAN BIBLIYA
Igwa nin ‘tunay na relihiyon asin dai nin digta sa atubangan nin satong Diyos asin Ama.’ (Santiago 1:27) An tunay na relihiyon hali sa Diyos.
ANO PA AN MANUNUDAN TA SA BIBLIYA?
Para uyunan nin Diyos, an relihiyon dapat na nakabasar sa katotoohan sa Bibliya.—Juan 4:23, 24.
Daing kamanungdanan an mga relihiyon na basado sa mga ideya nin tawo.—Marcos 7:7, 8.
Kaipuhan daw na magin miyembro nin sarong relihiyon?
ANO AN ISISIMBAG MO?
Iyo
Dai
Depende
AN SABI KAN BIBLIYA
‘Magpamurumangno kita na magpasaradol-sadol sa pagkamuot asin sa mga marahay na gibo, na dai pagpabayaan an satong pagturutiripon.’ (Hebreo 10:24, 25) Gusto nin Diyos na magtiripon bilang sarong organisadong grupo an saiyang mga parasamba.
ANO PA AN MANUNUDAN TA SA BIBLIYA?
An mga nagsasamba sa Diyos nin iriba dapat na sararo sa saindang tinutubod.—1 Corinto 1:10, 11.
An mga miyembro kan relihiyon na inuuyunan nin Diyos nagkakasararo bilang magturugang sa bilog na kinaban.—1 Pedro 2:17.
