Nagigirumdoman daw Nindo?

Napahalagahan daw nindo an pagbasa kan dai pa sana nahahaloy na mga isyu kan An Torrengbantayan asin The Watchtower? Bueno, helingon kun masisimbag nindo an minasunod na mga hapot:

• Kiisay naggikan an mga relihion na naniniwala sa doktrina na pagtalaga antes pa?

Idinodoon kan Calvinismo an doktrina na pagtalaga antes pa. An mga katokdoan kan Repormador na si Jean Cauvin (John Calvin) naglakop sa mga denominasyon na arog baga kan Repormado, Presbiteriano, Kongregasyonal, asin Puritano.—9/1-E, pahina 18-21.

• Saen kinua ni Cain an saiyang agom?

An agom ni Cain seguradong naggikan ki Eva, na nangaki nin ‘mga lalaki asin babae.’ (Gen. 5:4)—9/1-E, pahina 25.

• Siisay an anghel na isinugo nin Dios sa enotan kan Israel kan sinda ilinuluwas sa Egipto? (Ex. 23:20, 21)

Rasonable sanang isipon na an anghel na ‘sa saiya yaon an ngaran ni Jehova’ iyo an panganay na Aki nin Dios, na nagin si Jesus kan huri.—9/15, pahina 21.

• Taano ta ipinaliwanag sa libro na 1 Corinto an karne na inatang sa mga rebulto?

An mga hayop iinaatang kaidto sa templo nin mga Griego asin Romano, alagad an karne na dai kinakan sa seremonya tibaad ipinapabakal sa pampublikong mga saodan nin karne. Dai nakikabtang an mga Kristiano sa paganong pagsamba; pero an karneng ginamit dian dai ninda kaipuhan mansayon na maati kun iyan ipabakal sa saodan. Si apostol Pablo nagsurat: “An gabos na itinitinda sa saodan nin karne padagos nindong kakanon, na dai na naghahapot huli sa saindong konsensia; huli ta ‘sadiri ni Jehova an daga asin an nakakapano dian.’” (1 Cor. 10:25, 26)—Okt.-Dis., pahina 12.

• Kun mapadapit sa tunay na pagsamba, ano an nagkapirang pagrason na dai inaako nin Dios?

‘Masakiton iyan. Habo ko. Sibot-sibot ako. Kulang an kakayahan ko. May nakakolog sa boot ko.’ Bako iyan balidong mga rason sa dai pag-otob kan mga pagboot nin Dios.—10/15, pahina 12-15.

• Ano an nagkapirang paagi na magigibo mong magin nakakapakosog an Kristianong mga pagtiripon para sa saimo asin sa iba?

Mag-andam nin patienot. Mag-atender nin regular. Mag-abot na nasa oras. Mag-atender na kompleto sa gamit. Likayan an mga nakakadisturbo. Magpartisipar. Papagdanayon na halipot sana an saimong komento. Gibohon an mga asignasyon. Tawan nin komendasyon an mga may kabtang o nagpartisipar. Makiasosyar bago asin pagkatapos kan mga pagtiripon.—10/15, pahina 22.

• Sa anong pagkasaysay sa Biblia na kalabot an sarong aking babae nasambit an lepra, na kaiba an helang na inaapod ngonyan na Hansen’s disease?

An 2 Hade kapitulo 5 nagsasaysay dapit sa Israelitang aking babae, na oripon sa harong kan hepe kan hukbo nin Siria na si Naaman. Huling sia may lepra, nagtaong suhestion an aking babae na sia magduman ki propeta Eliseo tanganing maomayan.—11/1-E, pahina 22.

• Ano an manonodan niato sa pagpadaog ni Aaron sa panggigipit nin kairiba?

Kan si Moises mayo, si Aaron pinirit kan mga Israelita na gumibo nin dios para sa sainda. Sia nagpadaog asin ginibo an gusto ninda. Ipinapaheling kaini na bako sanang mga hoben an napapaatubang sa panggigipit nin kairiba. Napapaatubang man dian dawa an mga mas may edad na nagmamawot na gibohon an tama. Kaipuhan tang labanan an negatibong impluwensia nin kairiba.—11/15, pahina 8.

• Arin an totoo, asin arin an bakong totoo?

Si Satanas tunay na persona: totoo. (2 Cor. 11:14) Pagkagadan, an gabos na tawo minaduman sa rona nin mga espiritu: bakong totoo. (Ecl. 9:5) Nagmamakolog sa sato an maimbod na mga anghel: totoo. (Sal. 34:7) Si Jesus kapantay nin Dios: bakong totoo. (1 Cor. 11:3)—12/1-E, pahina 8-9.