TEMA SA COVER | PUWEDE KANG MAGIN HARANI SA DIYOS
An Pinakamarahay na Paagi nin Pamumuhay
Ano an puwede mong gibuhon para magin harani sa Diyos? Naaraman ta sa nainot na mga artikulo an minasunod na paagi para magkaigwa nin haraning relasyon sa saiya:
-
Aramon asin gamiton an pangaran nin Diyos na Jehova.
-
Regular na makipag-ulay sa saiya paagi sa pamibi asin pag-adal kan saiyang Tataramon, an Bibliya.
-
Padagos na gibuhon an mga nakakapaugma ki Jehova.
Magin harani sa Diyos paagi sa paggamit kan saiyang pangaran, pamimibi sa saiya, pag-adal kan saiyang Tataramon, asin paggibo kan mga nakakapaugma sa saiya
Base sa mga ini, masasabi mo daw na ginigibo mo an kinakaipuhan para magin harani sa Diyos? Igwa ka pa daw nin dapat na pauswagon? Siyempre, kaipuhan talaga an paghihinguwa. Pero, pag-isipan man an mga resulta.
“Sulit an gabos na paghihinguwa para magkaigwa nin haraning relasyon sa Diyos,” sabi ni Jennifer na taga Estados Unidos. “Nagbubunga ini nin dakul na bendisyon: mas nagtitiwala kita sa Diyos, mas namimidbid ta siya, saka urog sa gabos, mas namumutan ta siya. Ini an pinakamarahay na paagi nin pamumuhay!”
Kun gusto mong magkaigwa nin haraning relasyon sa Diyos, mauugma an mga Saksi ni Jehova na tabangan ka. Puwede ka nindang tukduan sa Bibliya nin libre. Imbitado ka man na umatender sa mga pagtiripon ninda sa Kingdom Hall na harani sa saindo, na duman mauugma kang makaibanan an mga nagpapahalaga sa saindang relasyon sa Diyos. * Mantang ginigibo mo iyan, mamamatian mo man an namatian kan salmista na nagsabi: ‘Kun mapadapit sa sakuya, an pagrani ko sa Diyos iyo an karahayan.’—Salmo 73:28.
^ par. 9 Para mag-request nin pag-adal sa Bibliya o maghanap nin haraning Kingdom Hall, maghapot sa nagtao sa saimo kan magasin na ini o buksan an samong Web site na www.ps8318.com/bcl, asin hilingon an KONTAKON KAMI na mahihiling sa parteng ibaba.