ULWIMBO 151
Aketa
-
1. Bumi bwesu bwa nshita inono,
Bwaba nga fubefube.
Kuti twafwe nshita ili yonse,
Bashala baleloosha.
Bushe abafwa kuti babuuka?
Lesa alayo kuti:
(KORASI)
Aketa; Bafwa bakomfwa.
Akababuusha bonse
Pantu akafuluka
Abantu abumbile.
Tetekeleni Yehova,
Pantu akatupeela
Mweo wa muyayaya
Fwe bantu abumbile.
-
2. Abatemwa Lesa nangu bafwa,
Takabalekeleshe.
Bantu abo Lesa ebukisha,
Akababuusha bonse.
E lyo tukaba no mweo wa pe
Mu calo Lesa laya.
(KORASI)
Aketa; Bafwa bakomfwa.
Akababuusha bonse
Pantu akafuluka
Abantu abumbile.
Tetekeleni Yehova,
Pantu akatupeela
Mweo wa muyayaya
Fwe bantu abumbile.
(Moneni na Yoh. 6:40; 11:11, 43; Yako. 4:14.)
