Abo Wingapashanya—Mukamfwilwa Umupiina

Bushiku bumo Yesu alemona uko aba fyuma balepoosa indalama mu cipao ca pe tempele. Kwaishile na mukamfwilwa umupiina uo amwene apoosamo “utundalama tubili utwacepesha.” (Luka 21:2) Yesu alimutashishe pa bupe bwakwe. Mulandu nshi? Pantu abashala balepoosamo ‘indalama isho bafumishe pa fyuma fyabo, lelo ena, nangu aali mupiina, apooselemo shonse isho aakwete isha kuliilamo.’—Marko 12:44.

Bushe na iwe waba ngo yu mukamfwilwa? Bushe ulabomfya inshita yobe ne ndalama ku mulimo wa kwa Lesa? Nga ulapeelako ubupe bwa kwafwilisha mu kuwamya ififulo fya kupepelamo, ninshi ulapashanya mukamfwilwa. Kabili kuti wabomfya inshita yobe ne ndalama na ku kwafwa bambi ukwishiba Yehova Lesa. Yehova alitashishe pa musangulo fye uunono uo mukamfwilwa apeele uwa kutungilila umulimo wakwe. Kanshi Lesa akatemwa kabili akakwafwa nga wabika sana amano ku kucita ukufwaya kwakwe.—Mateo 6:33.