Bushe Ubufumu bwa kwa Lesa ni Cinshi?
Bushe Ubufumu bwa kwa Lesa ni cinshi?
ABANTU BAMO BATILA Ubufumu bwa kwa Lesa bwaba mu mutima wa muntu kabili e bo Lesa abomfya pa kutungulula umuntu, e lyo bambi batila, abantu e bakaleta Ubufumu bwa kwa Lesa ilyo bakalenga pa calo pakabe umutende no kwikatana. Nga imwe muletipo shani?
IFYO BAIBOLO ILANDA
“Lesa wa mu muulu akemya ubufumu ubushakonaulwe nakalya. . . . Bukashonaula no kupwisha aya mabufumu [aya bantu] yonse.” (Daniele 2:44) Ubufumu bwa kwa Lesa buteko ubwa cine cine.
FINSHI FIMBI IFYO TUSAMBILILAKO KU FYO BAIBOLO ILANDA?
Ubufumu bwa kwa Lesa butekela ku muulu. —Mateo 10:7; Luka 10:9.
Lesa alabomfya Ubufumu pa kucita ifyo afwaya ku muulu e lyo na pa calo.—Mateo 6:10.
Ni lilali Ubufumu bwa kwa Lesa bukesa?
BUSHE KUTI MWATILA?
Takwaba uwaishiba
Nomba line
Tabwakese
IFYO BAIBOLO ILANDA
“Imbila nsuma iyi iya bufumu ikabilwa ku bantu bonse aba pe sonde ku kuba ubunte ku nko shonse; e lyo impela ikesa.” (Mateo 24:14) Nga ca kuti imbila nsuma yabilwa, e lyo Ubufumu bukesa onaula abacita ifyabipa.
FINSHI FIMBI IFYO TUSAMBILILAKO KU FYO BAIBOLO ILANDA?
Takwaba uwashiba bwino bwino ilyo Ubufumu bwa kwa Lesa bukesa.—Mateo 24:36.
Baibolo ilanda ukuti Ubufumu buli no kwisa nomba line.—Mateo 24:3, 7, 12.
Nalimo Kuti Mwatemwako ne fi
AMASUKO KU MEPUSHO YA MU BAIBOLO
Bushe Ubufumu bwa kwa Lesa Bwaba mu Mutima Wenu?
Ni mwi mwalola amashiwi ya mu Baibolo aya kuti “ubufumu bwa kwa Lesa buli pa kati kenu”?
ULUPUNGU LWA KWA KALINDA
Mulandu Nshi Tulingile Ukupepela Ukuti Ubufumu bwa kwa Lesa Bwise?
Finshi ifyo Ubufumu bwa kwa Lesa bukacita ifyo imitekele ya bantu ishingacita?
