“Naoia mitufala i gat ol naesfala memori long visit blong mitufala long Betel, we bae mitufala i no save fogetem.” Hemia samting we wan man mo woman blong hem, we tufala i blong Vanuatu, tufala i talem taem tufala i kam visitim Betel long Yunaeted Stet. Plante man we oli visitim ples ya oli gat sem tingting olsem.

?Yu yu visitim finis ol ples long Betel blong Yunaeted Stet? Sipos no yet, yu welkam blong kam visit.

Wol Hedkwota, Warwick, New York. Yu wan yu save go luk tri defren samting. Faswan, wan ples we oli singaot se “Baebol Mo Nem Blong God.” Long ples ya yu save luk ol Baebol we maet yu neva luk bifo mo olsem wanem nem blong God i stap gud long ol Baebol bifo kam kasem tede. Long haf ya, “Ol Man We Oli Karem Nem Blong Jehova,” bambae yu save luk ol pija we oli soemaot histri blong ol Witnes blong Jehova. Haf ya, “Wol Hedkwota​—Bilif We i Wok,” i eksplenem olsem wanem ol Witnes blong Jehova oli joen gud tugeta blong wosip, stadi Baebol, tokbaot Baebol long ol man, mo oli soemaot lav long olgeta. Mo tu, yu save spenem 20-minit blong go luk ol ples insaed long Ofis/Sevis Bilding mo ol ples raon long Warwick.

Wajtaoa Edukesen Senta, Patterson, New York. Visit ya i tokbaot ol defdefren skul we oli stap mekem long ples ya, olsem Wajtaoa Baebol Skul Blong Gilead mo Skul Blong Ol Memba Blong Branj Komiti Wetem Woman Blong Olgeta. Mo tu, bambae yu save luk ol pija mo video we oli soemaot ol wok we oli stap mekem long ol defdefren ofis long ples ya, olsem Ofis Blong Mekem Ol Pija/Video.

Ples Blong Printim Mo Sanem Ol Buk, Wallkill, New York. Yu folem man we i mekem tua, blong go luk olsem wanem oli printim ol Baebol, ol buk mo magasin blong yumi, oli putum gud tugeta mo sanem i go long ol kongregesen long Yunaeted Stet, ol aelan blong Karibin, mo ol narafala ples long wol.

Plis yu go long haf ya, Ol Ofis Mo Taem Blong Visit, blong fulumap wan fom blong putum wan taem we bambae yu visit, bifo yu rerem rod blong yu blong kam. Mo tu, haf ya i tokbaot sam moa infomesen blong Betel Blong Yunaeted Stet, ol defdefren ples blong visitim mo hamas taem yu save spenem blong mekem ol visit.

Olgeta we oli wok long ol defdefren ofis long Betel oli mekem ol tua. Oli luk wok ya olsem wan blesing blong tijim ol man. Oli mekem ol tua ya long plante defdefren lanwis.

I fri nomo.

Nogat. Plante man we oli kam visit oli no ol Witnes blong Jehova. Ol visit ya bambae oli halpem ol Witnes mo olgeta we oli no ol Witnes, blong save ol wok we ol Witnes blong Jehova oli mekem, mo blong luk olsem wanem oli wok gud tugeta long fulwol.

I gat wan woman blong India, we i wan Muslim, i visitim Patterson afta i talem se: “Mi wantem mekem wok olsem ol Witnes. Tangkiu tumas blong soem bigfala respek long mi.”

!Yes! Ol visit olsem i save givhan bigwan long ol pikinini. Jon, we i blong Yunaeted Stet, i raetem se: “Ol pikinini we oli go wetem mifala blong visitim Betel, oli stap gohed yet blong tokbaot visit ya taem mifala i gobak long haos. Bifo long visit, ol pikinini oli no save se Betel i olsem wanem stret, be afta long visit, oli putum mak blong go wok long Betel.”

Yes. Yu save go visitim ol ofis long plante narafala kantri. Blong faenem wan ples, yu go long haf ya Ofis Mo Visit. Mifala i glad blong invaetem yu blong kam visitim wan long ol branj ofis blong ol Witnes blong Jehova.