Jeremaea 10:1-25
10 O haos blong Isrel, yu harem tok ya we Jehova i talem agensem yu.
2 Hemia samting we Jehova i talem:“Yu no mas lanem ol fasin blong ol nesen,+Mo yu no mas fraet long ol saen long hevenNating we ol nesen oli fraet long olgeta.+
3 From ol kastom blong ol man, oli giaman nomo.*Hem i wan tri nomo long bus we oli katemdaon,Mo man blong kaving i yusum han mo tul* blong hem blong wokem aedol long hem.+
4 Oli flasem gud long silva mo gol+Mo oli yusum hama mo nil blong mekem i fas strong blong i no foldaon.+
5 Oli olsem wan giaman man long garen blong kukamba, oli no save toktok,+Man i mas karem olgeta nomo, from oli no save wokbaot.+
Yu no fraet long olgeta, from oli no save spolem man,Mo oli no save mekem wan gud samting.”+
6 O Jehova, i no gat wan man i olsem yu.+
Yu yu hae olgeta mo nem blong yu i hae mo i gat bigfala paoa.
7 Olgeta man oli mas fraet* long yu, O King blong ol nesen,+ from i stret nomo blong oli mekem olsem,From we long olgeta waes man long ol nesen mo long ol kingdom blong olgeta,I no gat wan long olgeta i olsem yu.+
8 Olgeta evriwan oli no gat tingting mo oli stupid.+
Advaes we i kam long wan tri, i wan giaman toktok nomo.*+
9 Oli karem ol pis silva long Tasis+ mo gol long Ufas i kam,Hem i wok blong man blong kaving, yes, man blong wokem samting long aean, i wokem long han blong hem.
Ol klos blong olgeta oli wokem long blu tred mo pepol wul.
Ol man we oli gat gudhan oli mekem olgeta.
10 Be i tru nomo, Jehova nao i God.
Hem i God ya we i laef+ mo hem i King we i stap olwe.+
Mo from kros blong hem, wol bambae i seksek,+Mo bambae i no gat wan nesen i stanap i stap, taem kros blong hem i kam.
11 * Hemia samting we yu mas talem long olgeta:“Ol god we oli no mekem heven mo wolBambae oli lus long wol mo aninit long heven.”+
12 Hem nao Man We i Mekem wol long paoa blong hem,Mo long waes blong Hem, hem i stanemap gudfala graon ya+Mo long save blong hem, hem i pulum skae i open bigwan.+
13 Taem hem i mekem ol man oli harem voes blong hem,Ol wota long skae oli mekem bigfala noes,+Mo hem i stap mekem ol klaod* oli go antap long ol las ples long wol.+
Hem i mekem laetning i kam wetem ren,*Mo hem i tekem win long ol stohaos blong hem i kam.+
14 Evri man i stap mekem ol samting krangke nomo, mo oli no gat save.
Ol man blong wokem ol samting long aean, bambae oli sem from aedol we oli stap wokem,+From aedol blong olgeta,* i wan giaman samting,Mo i no gat spirit* long olgeta.+
15 Oli ol giaman samting nomo,* we ol man oli stap laf long olgeta.+
Taem dei blong spolem olgeta i kam, bambae oli lus.
16 God* blong Jekob, hem i no olsem ol samting ya,From hem nao i Man we i mekem evri samting,Mo Isrel hem i stik ya we i olsem olgeta samting blong hem.+
Nem blong hem Jehova komanda blong ol ami.+
17 Yu woman we ol ami oli raonem gud yu,Yu pikimap bandel blong yu long graon.
18 From hemia samting we Jehova i talem, i se:“Naoia mi stap sakemaot* ol man we oli laef long graon ya,+Mo bambae mi mekem se oli harem nogud bitim mak.”
19 !Sore tumas long mi from oli brekemdaon mi finis!*+Soa blong mi i no save kam gud.
Mo mi talem se: “I tru, hemia sik blong mi, mo mi mas fesem.
20 Oli distroem tent blong mi finis, mo oli terterem ol rop blong tent blong mi finis.+
Ol boe blong mi oli lego mi finis mo oli no moa stap.+
I no gat wan man i stap blong i openem tent blong mi o i leftemap ol kaliko long tent blong mi.
21 From ol man blong lukaot long sipsip oli mekem fasin we i krangke,+Mo oli no bin faenemaot tingting blong Jehova.+
Taswe oli no skelem gud samting,Mo ol sipsip blong olgeta oli go wanwan finis.”+
22 !Yu lesin! !I gat wan ripot! !I stap kam!Wan bigfala noes i stap kamaot long kantri long not,+Blong mekem ol taon blong Juda oli emti, oli kam hom blong wael dog ya jakol.+
23 O Jehova, mi mi save gud se man i no naf blong jusum prapa rod blong hem.
Man we i stap wokbaot, hem tu i no naf blong lidim step blong hem.+
24 O Jehova, yu stretem mi, sipos i stret blong mekem olsem,Be yu no mekem taem yu kros,+ blong yu no save flatemgud mi.+
25 Yu kafsaedem kros blong yu long ol nesen we oli no wantem save long yu,+Mo long ol famle we oli no singaot long nem blong yu.
From we oli spolem Jekob finis,+Yes, oli spolemgud hem kasem mak ya we hem i lus,+Mo oli mekem graon blong hem i stap nating nomo.+
Ol futnot
^ NT: “oli blong nating nomo.”
^ NT: “huknaef.”
^ NT: “tinghevi.”
^ NT: “oli blong nating nomo.”
^ Fastaem oli raetem vas 11 long lanwis Arameik.
^ MNT: “mekem rod blong ren.”
^ NT: “wetwet smok.”
^ NT: “aedol we oli wokem long silva, gol, o kopa.”
^ NT: “win.”
^ NT: “Oli blong nating nomo.”
^ PT: “Haf we i.”
^ NT: “slingimaot.”
^ NT: “from mi krak finis.”
