Job 23:1-17
23 Job i ansa se:
2 “Tede tu bambae mi mekem stronghed,+ mi komplen.*Paoa blong mi i finis from we mi stap pulum nogud win blong mi.
3 Sipos mi save ples we mi save faenem God long hem,+
Mi save go long ples we hem i laef long hem.+
4 Mi save talemaot kes blong mi long fored blong hemMo mi fulumap maot blong mi long ol poen blong pruvum se mi stret.
5 Mo mi save lanem olsem wanem bambae hem i ansa long miMo mi makem gud samting we hem i talem long mi.
6 ?Bambae hem i yusum bigfala paoa blong hem blong rao long mi?
Nogat. I sua se bambae hem i save lesin long mi.+
7 Long ples ya, stret man i stretem trabol wetem hem,Mo jaj blong mi i save kliarem kot kes blong mi wan taem mo blong olwe.
8 Be sipos mi go long is, hem i no stap long ples ya,Mo mi kambak mo mi no save faenem hem.
9 Taem hem i stap wok long lefsaed, mi no save lukluk i go long hem.Nao hem i tanem hem i go long raetsaed, be mi no luk hem yet.
10 Be hem i save rod we mi bin folem.+
Afta we hem i traem mi, bambae mi kamaot olsem gol we i klin gud.+
11 Leg blong mi i folemgud ol trak blong leg blong hem,Mi gohed blong folem rod blong hem we mi no gowe long hem nating.+
12 Mi no gowe long komanmen we i kamaot long maot blong hem.
Mi mi holemgud ol tok blong hem+ mo mi mekem i bitim wanem we mi mas mekem.*
13 Taem tingting blong hem i strong long wan samting, ?hu i save stopem hem?+
Taem hem* i wantem mekem wan samting, hem i mekem.+
14 From we bambae hem i finisim gud samting we hem i plan finis blong mekem long mi,*Mo hem i gat plante samting olsem, we hem i putumgud i stap.
15 Hemia nao from wanem mi stap wari tumas from hem.Taem mi tingbaot hem, mi fraet moa.
16 God i mekem tingting blong mi i no moa strong,Mo God Ya We i Gat Olgeta Paoa i mekem mi mi fraet.
17 Be tudak i no mekem se mi stap kwaet yetMo smok ya tu we i kavremap fes blong mi.
Ol futnot
^ NT: “mi komplen blong soem se mi rebel.”
^ NT: “bitim samting we oli talem long mi blong mekem.”
^ NT: “sol blong hem.”
^ NT: “evri samting we hem i talem long mi.”
