Job 35:1-16
35 Elihu i gohed blong ansa i se:
2 “?Yu yu bilif strong se yu nao yu stret, taswe yu save talem se:‘Mi mi stret moa i winim God’?+
3 From yu talem se: ‘?Samting ya i mekem wanem long yu?*
?Laef blong mi naoia, i gud moa i bitim we sipos mi bin mekem sin?’+
4 Bambae mi ansa long yuMo long ol fren blong yu+ we oli stap wetem yu.
5 Yu lukluk i go antap long heven mo yu luk,Yu luklukgud ol klaod ya+ we oli stap antap olgeta long yu.
6 Sipos yu mekem sin, ?yu mekem hem i harem nogud olsem wanem?+
Sipos ol rong blong yu i kam plante, ?yu mekem wanem long hem?+
7 Sipos yu yu wan stret man, ?yu givim wanem long hem??Hem i kasem wanem long yu?+
8 Ol rabis fasin blong yu oli spolem ol man we oli olsem yu nomo,Mo stret fasin blong yu, i givhan long ol pikinini blong man nomo.
9 Ol man oli krae, taem narafala man i stap mekem i strong tumas long olgeta,Oli stap krae blong man i tekemaot olgeta long paoa* blong strong man.+
10 Be i no gat wan i talem se: ‘?Wehem God, Bigfala Man We i Mekem mi,+Man ya we i mekem se ol man oli stap sing long ol singsing long naet?’+
11 Hem i tijim yumi+ moa i bitim ol animol blong wol,+Mo hem i mekem yumi waes moa i bitim ol pijin blong heven.
12 Ol man oli stap krae, be hem i no ansa,+From we ol man nogud oli praod tumas.+
13 I sua se God i no stap lesin long krae we i nating* nomo.+God Ya We i Gat Olgeta Paoa, i no stap lesin long hem.
14 !Sipos i olsem, bambae hem i mekem i mowas long yu taem yu komplen se yu no luk hem!+
Kot kes blong yu i stap long fes blong hem, taswe yu mas gohed nomo blong wet long hem.+
15 From hem i no kros nao i askem yu blong talemaot ol rong blong yu,Mo hem i no stap makem fasin blong yu blong mekem samting hariap.+
16 Job i stap openem maot blong hem bigwan blong nating nomo,Hem i stap ademap plante moa toktok be i no gat save.”+
