Ol Sam 123:1-4

  • Lukluk i go long Jehova blong i kaen long mi

    • ‘Olsem ol man blong wok, yumi lukluk i go long Jehova’ (2)

    • “Mifala i taed gud long fasin ya we ol man oli stap lukluk rabis long mifala” (3)

Wan Singsing Blong Go Antap. 123  Mi mi lukluk i kam long yu,+Yu we yu stap rul long heven.  2  Olsem ol man blong wok we ae blong olgeta i stap lukluk han blong masta blong olgeta,Mo olsem wan slef gel we ae blong hem i stap oltaem long han blong misis blong hem,Long sem fasin, ae blong mifala i stap lukluk Jehova God blong mifala+Gogo hem i kaen long mifala.+  3  O Jehova, yu kaen long mifala, plis yu kaen long mifala,From mifala i taed gud long fasin ya we ol man oli stap lukluk rabis long mifala.+  4  Mifala i taed gud* long ol tok jik blong ol man we oli stap trastem olgeta nomo,Mo mifala i taed gud long fasin ya we ol stronghed oli stap lukluk rabis long mifala.

Ol futnot

^ NT: “Sol blong mifala i taed gud.”
BAEBOL LONG NIU WOL TRANSLESEN
Ol Sam 123
Bislama
Ridim Baebol Long Intenet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt p. 40