Ol Sam 24:1-10
-
King we i hae we i hae i kam insaed long ol get
-
‘Wol i blong Jehova’ (1)
-
Singsing blong Deved.
24 Wol ya mo evri samting long hem, oli blong Jehova,+Mo gudfala graon ya wetem olgeta we oli laef long hem, oli blong hem tu.
2 From hem i putum graon ya i stap strong long solwota+Mo i stanemap i stap strong long ol reva.
3 ?Hu i save go antap long bigfala hil blong Jehova?+?Mo hu i save stanap long holi ples blong hem?
4 Eni man we han blong hem i no gat rong, mo hat blong hem i klin gud,+Mo i no talem laef blong Mi* blong mekem wan giaman promes,Mo i no bin mekem wan giaman promes.+
5 Bambae hem i kasem ol blesing long Jehova+Mo stret fasin* long God blong hem we i stap sevem man.+
6 Hemia nao jeneresen blong olgeta we oli stap lukaotem hem,Hemia olgeta we oli stap lukaotem fes blong yu, God blong Jekob. (Selah)
7 !Ol get, yufala i leftemap hed blong yufala!+!Ol doa blong bifo, yufala i open,*Blong King ya we i hae we i hae i save kam insaed!+
8 ?Hu ya King ya we i hae we i hae?Jehova, hem i strong mo i gat bigfala paoa,+Jehova, hem i gat bigfala paoa long taem blong faet.+
9 !Ol get, yufala i leftemap hed blong yufala!+!Ol doa blong bifo, yufala i open,Blong King ya we i hae we i hae i save kam insaed!
10 ?King ya we i hae we i hae, hem i hu?Jehova komanda blong ol ami, hem nao i King ya we i hae we i hae.+ (Selah)
Ol futnot
^ NT: “sol blong Mi,” hemia i min se wan man i talem laef blong Jehova blong mekem promes blong hem i strong.
^ NT: “jastis.”
^ NT: “i girap.”
