Ol Sam 29:1-11
Singsing blong Deved.
29 Yufala ol pikinini blong ol strong man, yufala i givim samting we i stret blong Jehova i kasem,Yufala i givim samting we i stret blong Jehova i kasem, from glori blong hem mo paoa blong hem.+
2 Yufala i givim glori long Jehova from nem blong hem.
Yufala i werem ol klos blong yufala we i tabu,* yufala i bodaon long* Jehova.
3 Man i save harem voes blong Jehova antap long ol wota,God ya we i hae olgeta, i mekem bigfala noes olsem tanda.+
Jehova i stap antap long plante wota.+
4 Voes blong Jehova i strong we i strong,+Voes blong Jehova i gud tumas.
5 Voes blong Jehova i stap brebrekem ol tri ya sida,Yes Jehova i smasem ol sida blong Lebanon.+
6 Hem i mekem Lebanon* i jamjam olsem smol buluk,Mo Sirion+ olsem wan yang wael bul.
7 Voes blong Jehova i faerap, i kam wetem laet blong faea,+
8 Voes blong Jehova i mekem draeples i seksek,+Jehova i mekem draeples long Kades+ i seksek.
9 Voes blong Jehova i mekem dia i seksek nao i bonem pikininiMo i tekemaot evri lif blong ol tri long bus.+
Mo olgeta we oli stap long tempol blong hem oli talem se: “!Givim glori long God!”
10 Jehova i stap sidaon, i stap rul antap long bigfala wota we i stap ron,*+Jehova i stap sidaon i stap rul olsem King, blong olwe.+
11 Jehova bambae i givim paoa long ol man blong hem.+
Jehova bambae i blesem ol man blong hem, i mekem oli gat pis.+
Ol futnot
^ MNT: “Ples we hem i stap long hem i tabu mo i naes tumas.”
^ NT: “yufala i wosipim.”
^ Hemia ol hil blong Lebanon.
^ NT: “antap long bigfala solwota long heven.”
