Ol Sam 59:1-17
Long daerekta. Blong plei folem “Yu No Spolem.” Miktam.* Singsing blong Deved, taem Sol i sanem sam man blong oli go wajem haos blong Deved* blong kilim hem i ded.+
59 O God blong mi, yu tekemaot mi long ol enemi blong mi.+
Yu protektem mi long olgeta we oli stap girap agensem mi.+
2 Yu tekemaot mi long olgeta we oli stap mekem ol nogud fasin,Mo yu sevem mi blong mi no go long han blong ol man blong faet.*
3 O Jehova. !Yu luk! Oli haed rere blong kilim mi.*+
Ol strong man oli atakem miBe i no from we mi rebel o mi mekem sin.+
4 Nating se mi mi no mekem wan rong, be oli ron i kam mo oli mekemrere blong kilim mi.
Taem mi singaot, plis yu girap mo yu luk.
5 From we yu, Jehova God we yu komanda blong ol ami, yu nao God blong Isrel.+
Yu wekap blong yu save luk olgeta nesen.
Yu no mas gat sore long ol man we oli stap tanem baksaed long ol narafala.+ (Sela)
6 Oltaem long sapa oli stap kambak.+
Oli stap singsingaot* olsem ol dog,+ mo oli stap go olbaot long taon.+
7 Yu traem luk samting we i stap kamaot long maot blong olgeta.
Lips blong olgeta i olsem naef blong faet,+From oli talem se: “?Hu i stap lesin?”+
8 Be yu Jehova, bambae yu laf long olgeta.+
Bambae yu jikim ol nesen.+
9 O Paoa blong mi, bambae mi gohed blong lukluk long yu,+From God i sefples blong mi.*+
10 God ya we i stap soemaot se i lavem mi oltaem, bambae i kam givhan long mi.+
God bambae i mekem mi mi luk we ol enemi blong mi oli lus.+
11 Yu no kilim olgeta, olsem nao ol man blong mi bambae oli no save fogetem.
Yu yusum paoa blong yu, blong mekem olgeta oli wokbaot olbaot.
Jehova, yu yu sil blong mifala, plis yu mekem se oli foldaon.+
12 From sin we i kamaot long maot blong olgeta, yes ol tok we i kamaot long maot blong olgeta,I gud fasin blong olgeta blong praod, i holem olgeta olsem wan trap,+From we oli stap singaot trabol mo oli stap talem ol giaman toktok.
13 Taem yu kros, yu flatemgud olgeta.+
Yu finisim gud olgeta, blong oli no moa stap.
Yu mekem olgeta oli save se God i stap rul long Jekob mo long olgeta ples long wol.+ (Selah)
14 Yu letem olgeta oli kambak long sapa,I gud oli singsingaot* olsem ol dog, mo oli go olbaot long taon.+
15 I gud oli stap go olbaot blong lukaot samting blong kakae.+
Yu no letem olgeta oli fulap gud o oli faenem wan ples blong stap.
16 Be mi, bambae mi singsing blong talemaot paoa blong yu.+
Long moning, bambae mi glad blong tokbaot fasin blong yu blong lavem man oltaem.
From we yu yu sefples blong mi+Mo wan ples blong mi ron i go long hem, taem mi stap long trabol.+
17 O Paoa blong mi, bambae mi singim ol sing blong presem* yu,+From God i sefples blong mi, yes God we i soemaot se i lavem mi oltaem.+
Ol futnot
^ PT: “wajem haos.”
^ NT: “ol man ya we oli wantem tumas blong mekem blad i ron.”
^ NT: “sol blong mi.”
^ NT: “singaot.”
^ NT: “sefples blong mi we i hae we i hae.”
^ NT: “singaot.”
^ NT: “plei miusik blong presem.”
