Ol Sam 8:1-9
Long daerekta. Blong singsing long taem blong Gitit.* Singsing blong Deved.
8 O Jehova Masta blong mifala, long olgeta ples long wol, nem blong yu i hae we i hae.
!Yu yu mekem se samting we i flasem yu, i hae i bitim heven!*+
2 From ol enemi blong yu,Yu yu mekem we paoa i kamaot long maot blong ol pikinini mo ol bebi,+Blong mekem se enemi mo man we i gat raet blong givimbak, i stap kwaet.
3 Taem mi luk heven, ol wok blong ol fingga blong yu,Mun mo ol sta we yu bin mekemrere olgeta i stap,+
4 Mi luk se man i nating nomo, i save ded, taswe ?from wanem yu stap tingbaot hem,Mo yu stap kea gud long pikinini blong man?+
5 Yu mekem hem i stap daon lelebet long olgeta we oli olsem god,*Mo yu mekem hem i kasem glori mo ol gudgudfala samting olsem hat blong king.
6 Yu putumap hem i bos long ol wok blong han blong yu,+Yu putum evri samting oli stap aninit long leg blong hem:
7 Olgeta sipsip, nani, mo buluk,Mo ol wael animol tu,*+
8 Mo ol pijin blong heven mo ol fis blong solwota,Mo eni samting we i stap pas insaed long solwota.
9 !O Jehova Masta blong mifala, long olgeta ples long wol, nem blong yu i hae we i hae!
Ol futnot
^ MNT: “!Antap long heven ol man oli stap talemaot samting we i flasem yu!”
^ NT: “long ol enjel.”
^ PT: “ol wael animol blong bus.”
