KWESTIN 12
?Wanem Hop Blong Ol Dedman?
“Yufala i no mas sapraes long samting ya, i gat taem i stap kam we olgeta man we oli stap long ol memoriol tomb bambae oli harem voes blong hem, nao oli kamaot.”
“Ol man we oli stret wetem ol man we oli no stret bambae oli laef bakegen.”
“Nao mi luk ol dedman, olgeta we oli haeman wetem olgeta we oli no gat nem, oli stap stanap long fored blong tron ya, mo i gat ol skrol we oli open i stap. Be wan narafala skrol i open i stap, hemia skrol blong laef. Nao ol dedman ya oli kasem jajmen folem ol samting we oli raetem long ol skrol ya, we i stret long samting we oli mekem. Nao solwota i givimbak ol dedman we oli stap long hem. Ded mo Gref tu, tufala i givimbak ol dedman we oli stap long tufala. Nao oli kasem jajmen stret folem samting we olgeta wanwan oli mekem.”
