Stadi 17
Isi Blong Kasem Save
?OLSEM WANEM BLONG MEKEM?
-
Stadi gud long topik we bambae yu tokbaot. Yu mas kasem save gud topik ya, blong yu save eksplenem klia ol poen, long prapa toktok blong yu.
-
Yusum ol sentens we oli sot mo isi blong kasem. I no rong blong yusum longfala sentens, be i moa gud we i sot mo i go stret long poen.
-
Eksplenem ol tok we man i no save. I nogud blong yusum tumas toktok we ol man oli no save. Sipos yu talem wan tok o wan man long Baebol we ol man oli no save, o wan tok we ol man bifo oli yusum blong makem saes blong wan samting, o wan kastom, yu mas eksplenem.