‘Ol Samting We i Hapen Bifo, Bambae Ol Man Oli No Moa Tingbaot’

Jehova God i talem wanem we bambae hem i mekem i no longtaem, i se:

‘Bambae mi mi mekem niufala heven mo niufala wol. Ol samting we i hapen bifo, bambae ol man oli no moa tingbaot, bambae i lus olgeta.’—AESEA 65:17.

?Wanem ‘ol samting we i hapen bifo’ we ‘bambae ol man oli no moa tingbaot’? Ol vas long japta ya oli tokbaot ol fasin we oli no stret, mo sik, mo ol samting we i mekem man i harem nogud, mo plante narafala trabol we oli kasem ol man. ?Ol trabol ya bambae oli finis olsem wanem? Vas ya i talem se bambae i gat “niufala heven” mo “niufala wol.”

?Wanem mining blong tufala tok ya? Wan pablik tok bambae i eksplenem mining ya, nem blong tok ya, ‘Ol Samting We i Hapen Bifo, Bambae Ol Man Oli No Moa Tingbaot.’ Tok ya bambae i kamaot long Asembli Blong Tri Dei blong ol Witnes blong Jehova we stamba tok blong hem se: “Yu Mas Lukaot Gud Long Tingting Blong Yu.” Asembli ya i stat long manis Mei long Amerika, mo biaen bambae i kamaot long olgeta ples long wol.

Mifala i singaot yu yu kam long asembli ya. I gud yu askem long ol Witnes blong Jehova long ples blong yu, wetaem mo weples bambae asembli i stap. Sipos no, yu save raet long wan long ol adres long pej 5 blong buk ya. Yu save luk long www.ps8318.com long Intenet, blong faenemaot ples blong ol asembli long Saot Pasifik.