Rhunmwuda ẹghẹ nọ wegbe ne ima ye na, ne orọnmwẹ kevbe ẹgbẹe nibun na wa werriẹ aro daa ọlọghọmwa, a gha ye sẹtin gha mwẹ oghọghọ vbuwe ẹgbẹe ra? Ọna i zẹdẹ khuẹrhẹ. Sokpan a gha sẹtin miẹn iyobọ. Agharhemiẹn wẹẹ ẹi re adia hia nọ dekaan orọnmwẹ ẹre ọ rre ebe ẹmu na, sokpan ọ keghi rhiẹre ladian avbe ilele nọ gia hẹnhẹn egbe yan ni rre uwu e Baibol kevbe avbe azẹvbiro nọ gha gia ya ru emwi. Adeghẹ u na yae ru emwi vbene ọ khẹke, ọ gha ru iyobọ ne ẹgbẹe ruẹ ya gha mwẹ oghọghọ.