Iyeke 4026 B.C.E.

“Ẹyẹn nii” keghi gbodan ye asẹ ne Jehova mwẹ nọ ya khaevbisẹ kevbe odẹ nọ ya khaevbisẹ. E Jehova yan rẹn wẹẹ, irẹn gha rhie “ọmọ” ra “ikpẹ” ọkpa rre, nọ khian guọghọ ẹyẹn nii nọ re Setan rua vbe okiekie. (Gẹnẹsis 3:1-5, 15, futnot) Sokpan, e Jehova keghi rhie ẹghẹ yọ, ne emwa nagbọn ya kha yan egbe iran vbe ototọ ẹtin ọghe ẹyẹn nii.

1943 B.C.E.

E Jehova keghi tama Ebraham wẹẹ, uniẹn ọghẹe ẹre “ọmọ” nii na wẹẹ ọ dee khian la rre.—Gẹnẹsis 22:18.

Iyeke 1070 B.C.E.

E Jehova keghi tama Ọba e Devid wẹẹ, uniẹn ọghẹe ẹre “ọmọ” nii na wẹẹ ọ dee khian la rre. Ọ vbe ta ẹmwẹ na ma e Sọlomọn.—2 Samuẹl 7:12, 16; 1 Ọba 9:3-5; Aizaia 9:6, 7.

29 C.E.

E Jehova keghi gi emwa rẹn wẹẹ, Jesu ọre “ọmọ” nii na wẹẹ ọ dee, nọ khian tota ye ẹkete ọghe Devid.—Galetia 3:16; Luk 1:31-33; 3:21, 22.

33 C.E.

Setan nọ re ẹyẹn nii, keghi kuan “ọmọ” nii na wẹẹ ọ dee vbe ovbi ẹghẹ kherhe, ọni ọre ẹghẹ na ya gbe Jesu rua. E Jehova keghi huẹn e Jesu kpaegbe gha rrie ẹrinmwi, ọ na miẹn ọnrẹn yi ighẹ arrọọ nọ gbae ne Jesu ya zọ ese, nọ ghi kie ẹkpotọ ye ayabọ ọghe orukhọ, nọ vbe zẹe ighẹ ivbi Adam gha sẹtin gha rrọọ vbe etẹbitẹ.—Gẹnẹsis 3:15; Iwinna 2:32-36; 1 Kọrint 15:21, 22.

Odẹ 1914 C.E.

Jesu keghi fi e Setan nọ re ẹyẹn nii fua gha die uhunmwu otagbọn, ọ na we nọ gha rre evba vbe ovbi ẹghẹ kherhe, vbe nẹi khian na sẹtin kpa vba rre.—Arhie Maan 12:7-9, 12.

Vbe Odaro

Jesu gha mu e Setan ye eghan vbe ọwara ukpo arriaisẹn ọkpa (1,000), iyeke ọni, ọ ghi lọkọ uhunmwu ẹnrẹn rua, ọni nọ wẹẹ, ọ ghi fuẹn ọnrẹn rua. Emwi hia ne Jehova mwamwaẹn ke otọ gha dee ghi do sẹ vbe egbe emwa nagbọn kevbe uhunmwu otagbọn, a ghi kpe eni ẹnrẹn huan fẹfẹfẹ, emwa hia ghi vbe rẹn wẹẹ, odẹ nọ ya khaevbisẹ ẹre ọ maan sẹ.—Arhie Maan 20:1-3, 10; 21:3, 4.