I bɛ se ka nafa bɔ kosɛbɛ nin Bibulukalanw na cogo min na
Sɔn mɔgɔ dɔ ka i kalan: Mɔgɔ min ye nin gafenin in di i ma, Bibulukalan ɲini o tigi fɛ, walima Bibulukalan ɲinini yɔrɔ lafa an ka siti jw.org kan.
YƆRƆ FƆLƆ
O yɔrɔ dakunw bɛɛ kalan, ka fara o yɔrɔ ɲininkali kunbabaw (A) kan ani tɛmɛsiraw (B) minnu bɛ yɔrɔ kolomaw labɔ. A jateminɛ, a fɔra ko ka tɛmɛsira dɔw “kalan.”
YƆRƆ FILANAN
Ɲɛbilakuma (C) min bɛ Dɔ fara i ka dɔnniya kan duguma, o b’a ɲɛfɔ kalan bɛna kɛ fɛn min kan. Barokun denninw (D) bɛ yɔrɔ kolomaw jira. Tɛmɛsiraw kalan, ɲininkaliw jaabi ani ka wideyow (E) lajɛ.
Jaw ani sɛbɛnni (F) minnu bɛ u kɛrɛ fɛ, olu sɛgɛsɛgɛ. Ɲininkali min bɛ Mɔgɔ dɔw b’a fɔ ko (G) yɔrɔ la, i bɛna o jaabi cogo min na miiri o kan.
YƆRƆ SABANAN
Bakurubafɔli ani Seginnkanni (H) bɛ kalansen kuncɛ. Kalansen banna don min na, o dati sɛbɛn. A ɲini ka nin kɛ (I), o yɔrɔ la, fɛn dɔw bɛ di i ma, i bɛ baara kɛ minnu kan. I bɛ fɛn farankanw sɔrɔ Ninnu lajɛ (J) yɔrɔ la, a bɛ diya i ye ka minnu kalan walima ka u lajɛ.
Bibulu tɛmɛsiraw bɛ sɔrɔ cogo min na
Tɛmɛsiraw bɛ Bibulu kitabuw (walima a sɛbɛnw) (A), u tilayɔrɔbaw (B), ani u tilayɔrɔdennin walima tilayɔrɔdenninw (C) de jira. Misali la, Yuhana 17:3 bɛ Yuhana ka sɛbɛn tilayɔrɔba 17, tilayɔrɔdennin 3 de jira.
