Gɛlɛya minnu bɛ jigiya di an ma
Gɛlɛya minnu bɛ jigiya di an ma
“Laban donw na, waati gɛlɛnw na kɛ.”—2 TIMOTE 3:1.
YALA i delila ka nin dusukasi ko ninnu mɛn—walima ka u kɛtɔ—ye wa?
● Banajuguba dɔ ye mɔgɔ caman faga.
● Kɔngɔ ye mɔgɔ kɛmɛ caman faga.
● Dugukolo yɛrɛyɛrɛ ye mɔgɔ ba caman faga ani ka caman bɔnɛ u ka so la.
Yɔrɔ nataw la, i bɛna ko damadɔw ye minnu bɛ mɔgɔ bila hakilijagabɔ la nin dusukasi ko ninnu ko la. I bɛna a ye fana ko Bibulu tun y’a fɔ ka tɛmɛn ko nin ko ninnu tun bɛ na kɛ waati dɔ la min bɛ wele ko “laban donw.” *
Nka nin barokun ninnu kuntilenna tɛ k’a jira i la ko diɲɛ ɲagaminen don. Siga t’a la ko i yɛrɛ bɛ o dɔn ka ban. U kuntilenna ye jigiya dili de ye i ma. U bɛna kuma kiraya kuma 6 kan ani k’a jira ko olu waleyali ye “laban donw” taamashyɛn ye. Sɔsɔli kuma minnu bɛ o ko kan ani fɛn minnu b’a jira ko an bɛ se ka da a la ko kow bɛna fisaya hali a tɛ mɛn, barokun ninnu bɛna kuma olu fana kan.
[Duguma sɛbɛn]
^ dak. 7 Walasa k’a dɔn mun na Ala bɛ ka a to nin dusukasikow ka kɛ, nin barokun lajɛ “Mun na Ala bɛ k’a to ko jugu ni tɔɔrɔw ka kɛ?” ɲɛ 16 nan ni 17 nan la.