Limiti’i:

• Afep yôp

1. 1. Bia yen ane yôp da vin

   Bi nga yen mendem mete.

   Bitib’la’a bia tôban den

   Bi nji taté melu ma.

   Bia ye dañ meve’ele mese,

   Amu ngule Yéhôva.

   Tek’ étyé mewosan éziñ,

   ja ye bo na bi ko woñ.

   (NKAÑESAN)

   Bi ne jôme jia, bia nye’esan

   To’o bia so meyoñ mese.

   Bia tebe ne bip, te fô’ôsan,

   Amu ngule Yéhôva.

   Amu ngule Yéhôva.

2. 2. Bia yange a nlem ôse

   Nyô a dañe yôp a si se

   Yéhôva nkôté wongan

   Nye’an’ wé ô ne te man.

   A ye bo te vuan ayoñ dé,

   A ve bia nsisime wé.

   Bi nji ko besiñe bañ woñ.

   Yéhôv’ a ne mba’ale woñ.

   (NKAÑESAN)

   Bi ne jôme jia, bia nye’esan

   To’o bia so meyoñ mese.

   Bia tebe ne bip, te fô’ôsan,

   Amu ngule Yéhôva,

   (TYIÑE FE)

   Bia bese nlatan;

   Bia ye dañ besiñe bangan.

   Bia nye’e Zambe a nlem ôse.

   Bia ye kañ nye môs ôse.

   (NKAÑESAN)

   Bi ne jôme jia, bia nye’esan

   To’o bia so meyoñ mese.

   Bia tebe ne bip, te fô’ôsan.

   Amu ngule Yéhôva.

   Amu ngule Yéhôva.