KWI 119
A bwô be ghù bamntù
-
1. Yoñ yàm ngelañ mbwe Nsi tshob nu benntùn
Ntshùade num ba mbwe ghafaʼ tse.
Sènni, ntshùade num Mén i a tshwèt ntshob
Mbe benntùn fa kañ ntù tshob.
(DÙʼ NEBWÔGDE)
Zebe bamntù bʼa ze ntùn ké?
Mba aʼ ywimde be neyôge.
Mfaʼ yà laʼde yu bamntù ké?
Ntshùade num bamntù bag bin aʼ ghù yôg.
-
2. Bo tsiañde bag bin tshwèt njuʼ ntshu Yésu
Nesoñ nenùn Nufen ntùm njù.
Bo fiag wut nsoñ ntshob Nsi mfà num nywinde;
Be ke nsi ndem nkaʼni mi.
(DÙʼ NEBWÔGDE)
Zebe bamntù bʼa ze ntùn ké?
Mba aʼ ywimde be neyôge.
Mfaʼ yà laʼde yu bamntù ké?
Ntshùade num bamntù bag bin aʼ ghù yôg.
-
3. Zebe bamntù bʼa loñ tsiag ze neta;
Bag bin ke nsi bèn njam ntùm bwôg.
Neyéʼde num Yaweh Nsi fà neta;
Ndaʼndaʼ bag bin seʼ ngù yôg.
(DÙʼ NEBWÔGDE)
Zebe bamntù bʼa ze ntùn ké?
Mba aʼ ywimde be neyôge.
Mfaʼ yà laʼde yu bamntù ké?
Ntshùade num bamntù bag bin aʼ ghù yôg.
(Mbèn ndôde Rom. 10:10; Ef. 3:12; Héb. 11:6; 1 Yoha. 5:4.)
