1. Ku ntshùʼ, ntshu ntshùʼ bo Tà mve tù

Bʼaʼ fà wut nsi nzin bo yi njoñ léʼ.

A num mfà ze kondèn bànbàn

Benntùn bo tshwèt ndiag manze nelàn!

Bo nkôni Yaweh Nsi nyit bu;

Kwé buʼi, bàm nezin yu tu.

Bag bin fà wut ben Yaweh Nsi;

Ndoʼ bag ze netô, ntshùb neta.

2. Ntùm tshen léʼnjù yantù Satan,

Mba bag bin tshwèt mbéb miagde ngelañ,

Njù li tshwèt ntshoʼ nku ben nkebàn

Nke ndiag bag bin bwôg nkù Yaweh Nsi.

Là Yaweh Nsi tshwèt mfà tshètte;

Tswe mbañ i, bàm nevètte,

Matmat bag bin aʼ ghamde Nsi,

Nkô i bo ntù ntshùʼ, ndat num i.

3. Nsi loʼ ba mfiʼ neywimde ben

Ntshùade num Ntshob mi bo ywèt nelàn,

Ntshùade num ntseʼde benkristô,

Mba nelèn mbʼaʼ juʼ leʼde mebwô.

Mba be tshwèt nzin bo Yaweh Nsi,

Aʼ ywimde ben nefaʼ yi.

Aʼ ywimde ben netsin ndañndañ;

Mfà wut nsi kà nzin mbwe yag Nsi.