1. Ntshuʼ ntshuʼ fètfèt ntùm njù sagkuà,

Bo yàm mba nkwangoʼ là,

Mba zit lo bʼa ngakwénta,

Ntshùb ze bamntù neta.

Tshù, be bʼa ntshuʼ ntshuʼ fètfèt,

Nke nsin, nke ntùʼ bwoñ i,

Mfe ntùm njoñ ngô, ntshob boa ntañlaʼ fa,

Nyàmde Nsi nze neta.

2. Ntshuʼ ntshuʼ fètfèt ntùm njù sagkuà,

Nke nsoñ Ntshob Nsi ntùm njù

“Nkùn mebwô” mfà num ju ntùn,

Bwoñ benntùn tshwèt mbéb là.

Mba bag bin tshwèt nèn nàfaʼ,

Moʼ ngelañ mba ntùm ngeʼ,

Mven Yésu tshwèt nso kù num ghabot;

Mfà fide mbèn ntaʼ bot.

3. Ntshuʼ ntshuʼ fètfèt ntùm njù sagkuà,

Nsi tshwèt nte lag num ben,

Mbwôgtshù mba tsweʼ bʼaʼ ghamdʼé,

Ntùm fide mbwe diañfen.

Tshù, be bʼa ntshuʼ ntshuʼ fètfèt,

Nke nèn bo nkùn Nufen,

Bag bin yà kañ ntùʼ ba shunfaʼ Nsi,

Ngamdʼé num tshaʼ nzenni.