BAG I 07

Yaweh Nsi bʼa ndùke?

Ngelañ o num nkwade mfà num Yaweh Nsi là, ke zʼa num nseʼ tu o à? Mba Nsi bʼa Mèn ndùb mbèn nke ntswe tà mve kamànyam nà, o num nkwade mbe be keʼ kuʼni neghebtʼé ké? Kʼo nke nkwadʼà mbe Nsi bʼa ndaʼ taʼ neta mba neta fetmbañ à? Kuaʼ nenùn Yaweh Nsi bʼa ndùke? Ntùm Ntshob mi, Ñwaʼni Nsi, Yaweh Nsi num ndaʼde mat tse, mbèn ndaʼde mbe a tshwèt nywin num o.

1. Numke be ke kuʼni neyen Nsi à?

“Nsi bʼa Ywèle.” (Yohané 4:24) Yaweh Nsi keʼ ghù wut mba mènntùn nyiañtu là. A bʼa taʼ Ywèt zʼa num ntswe mve kamànyam nà, dùʼ ze be keʼ kuʼni neyen bo miag là.

2. Tsemoʼ mat Yaweh Nsi bʼa tsile?

Mba tà ndù bag bin keʼ kuʼni neyen Yaweh Nsi là, a bʼa taʼ mènntùn ze, o ziʼde nelèn mat tse, mba oaʼ kô i neshu. Ñwaʼni Nsi mbe: “Yaweh Nsi be nkô nunetsine, ke be ghuaʼ shun tse.” (Yobkwi 37:28) A bèn mbʼa “ngakondèn mba ngankôni”, num benntùn bo num njen ngeʼ là. (Yakobo 5:11) “Ben netsin be nkuaʼa, [Yaweh Nsi] juʼ, ntshuʼ yub num njoñ ngeʼ tshob fa.” (Yobkwi 34:18, kide tun fe) O lèn mbe ju zʼo num ngù là kuʼni neghù Yaweh Nsi tsiañde ke ne juʼ kebwô num o ké? Mènntùn zʼa tshoʼ neghù tshu kebwô là, num mbeʼ ntù Yaweh Nsi. (Yobkwi 78:40, 41) Ndaʼndù mènntùn zʼa num ngù tshu mebwô là, num ntsiañde ntù i.—Siañ Tànkùt 27:11.

3. Yaweh Nsi nke ndaʼdʼà ndùke mbʼa kô ben à?

Mat Yaweh Nsi ze ndùb bʼa nkôni. “Nsi bʼa nkôni.” (1 Yohané 4:8) Yaweh Nsi num ndaʼde ze nkôni ntshùade njam Ñwaʼni Nsi mba ntùm tshu tsʼa nabte là. (Siañ Mfaʼ Ghantum 14:17.) Mba mfiʼ là, siañde nu mfà num mat a bom ben yi là. A bom be mba be kuʼni nenyàmde ntshù nzenze, ntsiañde nejuʼ mbwô mbwô nkwi mbèn ntsiañde nejù me lamde tshañ nà. A kô mbe be jù bin yôg..

TSWEʼ NTUN MI

Yen mba Yaweh Nsi ghù kà nabte mbwô mbwô tshu là. Mbèn njen mba Yaweh Nsi num ndaʼde ntumlam mat tse là.

4. Ywèt nelàne—neta Nsi ntùm faʼ

Ndañndañ mba bo num ndoʼ mbu ben mfaʼ yi là, Yaweh Nsi num ndoʼ à ywèt tse nelàn mfaʼ yi. Ñwaʼni Nsi tshwèt ntswide mbe ywèt nelàn keʼ bʼa mènntùn, là, a bʼa neta Nsi zʼa num ndoʼ ngù ze nekô yi là. Siañ Lukas 11:13 bo Mfaʼ Ghantum 2:17, mbèn mbùnde tshen mbètte li:

Nsi aʼ “fà” ywèt tse nelàn ben tse bo lon i yi là. Ndùlà, o kwade mbe ywèt nelàn bʼa taʼ mènntùn ké, ke neta Nsi ntùm faʼ à? O nke nkwade ndùlʼà numke?

Yaweh Nsi loʼ à ywèt tse nelàn kà nabte mbwô mbwô tshu yi. Siañ Yobkwi 33:6 bo 2 Pétro 1:20, 21, mbèn mbùnde yen bètte li:

Yaweh Nsi loʼ ywèt tse nelàn mfaʼ yi à ndùke?

5. Yaweh Nsi ghù mbwô mbwô mat

Mosé naʼ bʼa ngafaʼ Nsi ze nenùne, ndaʼndù a naʼ kô nebèn nziʼde tshu yàm mfà num i. A ju zʼa ghù a tshob Nsi mbe: “Laʼde tsho manze me, ndùlala ndù me lèn o.” (Netume 33:13) Num nebùnde Mosé, Yaweh Nsi naʼ laʼdʼé mèn a be yi là. Siañ Netume 34:4-6, mbèn mbùnde tshen mbètte li:

Mat Yaweh Nsi tsʼa laʼde Mosé là bʼa tsile?
Mat Yaweh Nsi tsʼo kô neshu là bʼa tsile?

6. Yaweh Nsi num nywin num benntùn

Ba Héber tse bo naʼ mbe ghafaʼ Yaweh Nsi là naʼ be ndà nkuan mà Egipto. Yaweh Nsi naʼ nke njuʼ wul i à ndùke ngelañ bo naʼ nke njen ngeʼ à? Juʼ mba bo siañ nà mbèn mbét ntùm yu Ñwaʼni Nsi, ke là siañ Netume 3:1-10. Mbèn mbùnde tshen mbètte li.

JUʼ: Jéhovah se souciait de leur souffrance (2:45)

Ke ze yen tshô li tshwèt ntswidʼo mfà num mba Yaweh Nsi num njuʼ wul i ngelañ benntùn nyiañtu num njen ngeʼ à?—Lôde nka 7 bo 8.
O kwade mbe kuaʼ nenùn Yaweh Nsi kô, bèn nkuʼni neywimde benntùn nyiañtu ké? O nke nkwade ndùlʼà numke?