Shun ntùn num nkwéʼde zebe tsiañde ntùm mbwô ngelañ, mbèn nke nso kù num ben ngelañ ngeʼ. Ndaʼndù Ñwaʼni Nsi tshwèt nte bu num ben mbe njoñ benntùn fa keʼ bʼa mbwô shune. Ndùlà, be be tshoʼ mbwô shun à ndùke? Siañde nu mfà num tshen mbètte li.

1. Shun tsʼo tshoʼ là kuʼni neghù à ke num o à?

Bag bin ghù mat nefiʼde benntùn be num ntôg ngelañ boa bo là. Yub mfiʼ kuʼni neghù be dùʼ ba mbwô mat ke tse kebwô lo—netôg ngelañ bo shun be se se, ke num koñnkùn no, bʼa be ju ntshùʼ. Ñwaʼni Nsi mbe, “Mèn ke njôg boa ghazenu mbʼa nsi tùʼ nzenu, là mèn zʼa be nzin boa kagni là be njen kebwô.” (Tànkùt 13:20) Shun bo kô mbèn nke ngamde Yaweh Nsi là kuʼni neywimdʼo neghebtʼé mbèn nke ndoʼ mbwô mfiʼ. Ndaʼndù shun bo ke tshwèt ngamde Yaweh Nsi là kuʼni neghù o tsin neghamdʼé. A ju zʼa ghù Ñwaʼni Nsi nke nso kù num ben mbe bag bin tshoʼ shun ben à bo zenu là! Ngelañ shun ben bʼa benntùn bo kô Nsi là, bag bin num njù bin mba bo yub. Be kuʼni ‘netsweʼde ntù ben be be bèn nkut wut ben be be.ʼ—1 Tésalônikà 5:11.

2. Yaweh Nsi aʼ juʼ wul i à ndùke num shun tsʼo tshoʼ lʼà?

Yaweh Nsi num ntshoʼ shun tse bo zenu. “A ke mbʼa shun ben ndañndañ.” (Tànkùt 3:32) Yaweh Nsi aʼ juʼ wul i à ndùke a be zʼo tshoʼ shun tse bo keʼ kô i à? Aʼ juʼ kebwô neshu! (Siañ Yakobo 4:4.) Ndaʼndù, aʼ juʼ mebwô mbèn ntshoʼ ben mba shun tse a be ze be ghuaʼ kushun kebwô, mbèn ngebtʼé bo ben bo be nkô i là.—Yobkwi 15:1-4.

 TSWEʼ NTUN MI

4. O kuʼni neghù mbwô kushun boa benntùn nzenze

Ñwaʼni Nsi tshwèt ntshob mfà num David bo Yonatan, bandum bàa ntùm ngô Israél. Yonatan naʼ tshùa David bo nguʼnjù yàm mbèn mbʼa mén mven; ndaʼndù, bo naʼ ghù taʼ me mbwô kushune. Siañ 1 Samuél 18:1, mbèn mbùnde yen bètte li:

• A keʼ bètte mbe shun tsho nke mbʼa be nguan o num nguʼnjù, num faʼ ke tsemoʼ tshu lo à numke?

Siañ Roma 1:11, 12, mbèn mbùnde yen bètte li:

• Ba shun bo kô Yaweh Nsi là num nso kù num bo bo bo à ndùke?

Ntùm yen laʼde netshañ ni, bin yen mba taʼ mvèt ze mandum naʼ mfon taʼ mbwô nshun num dùʼ a naʼ ke nke mbébte là. Lôde LAʼDE NETSHAÑ, mbèn mbùnde tshen mbètte li.

• Ntùm yen laʼde netshañ ni, ke zʼa ghù mbe tà bo mà Akil soñde ze zenu num shun tse dùʼ ñwaʼni à?

• Tsit tshu naʼ bwôgmbwe nsoñdʼé num tshen shun nà dùʼ ñwaʼni à?

• A naʼ maʼ nejuʼ wul i tùʼ i ntshùa à ndùke?

 5. Mba be kuʼni nekut mbwô kushun nà

 JU NETSHÙBE

Be num ntshoʼ shun be bo zenu, ntsiañde ntù Yaweh Nsi mbèn njù bin yàme.

Mbètte nekwimde

• Lèn shun bag bin num ntshoʼ là bʼa ju ndùb Yaweh Nsi à numke?

• A bètte be ghuaʼ à ke lèn kushun à?

• O kuʼni nekut kushun zʼa ta là bo ben mebwô à ndùke?