Ang atong Maglalalang dugay nang nagtakdag mga lagda bahin sa kaminyoon una pa magtakdag mga balaod ang mga gobyerno bahin niini. Ang unang basahon sa Bibliya nag-ingon: “Ang lalaki mobiya sa iyang amahan ug sa iyang inahan ug siya kinahanglang moipon sa iyang asawa ug sila mahimong usa ka unod.” (Genesis 2:24) Ang Hebreohanong pulong sa “asawa,” sumala sa Vine’s Expository Dictionary of Biblical Words, “nagtumong sa usa ka babaye.” Gikompirmar ni Jesus nga kadtong magminyo kinahanglang “lalaki ug babaye.”—Mateo 19:4.

 Busa, katuyoan sa Diyos nga ang kaminyoon maoy permanente ug suod nga relasyon tali sa lalaki ug babaye. Ang lalaki ug babaye gibuhat para sa usag usa aron sa pagtagana sa ilang emosyonal ug seksuwal nga panginahanglan ug sa pagpatunghag mga anak.