Isaias 46:1-13
46 Si Bel miyuko,+ si Nebo mitikubo.
Ang ilang mga idolo gikarga diha sa mga mananap, sa mga mananap nga kargahanan ug luwan,+Samag bagahe nga nakapabug-at sa gikapoy nga mga mananap.
2 Sila motikubo ug moyuko;Dili nila maluwas ang mga karga,*Ug sila mismo mabihag.
3 “Pamati kanako, Oh panimalay ni Jacob, ug kamong tanang nahibilin sa panimalay ni Israel,+Kamo nga akong gisapnay sukad sa inyong pagkatawo ug giatiman gikan sa tagoangkan.+
4 Hangtod sa imong pagkatigulang, ako mao ra gihapon;+Hangtod sa imong pagkaubanon, ako padayong magpas-an kanimo.
Sama sa ako nang gihimo, ako kang sapnayon ug pas-anon ug luwason.+
5 Kang kinsa ko ninyo ipakasama o itumbas o itandi+Nga daw magkaamgid mi?+
6 Dunay mga nagabubo ug bulawan gikan sa ilang puntil;Sila nagtimbang sa plata diha sa timbangan.
Sila nagsuhol ug tigpanday ug metal, ug gihimo niya kining diyos.+
Unya sila mohapa, oo, sila mosimba* niini.+
7 Gipas-an nila kini;+Gidala nila kini ug gipahimutang sa dapit niini, ug nagpabilin ra kini didto.
Dili kini mohawa sa dapit niini.+
Sila motuaw niini, apan dili kini motubag;Dili kini makaluwas kang bisan kinsa gikan sa kasakit.+
8 Hinumdomi kini, ug magmaisogon.
Itanom kini sa inyong kasingkasing, kamong mga malapason.
9 Hinumdomi ang kanhing* mga butang sa dugay nang panahon,Nga ako ang Diyos,* ug wala nay lain.
Ako ang Diyos, ug walay sama kanako.+
10 Sukad sa sinugdan gitagna na nako ang mahitabo,Ug sa dugay nang panahon gitagna na nako ang mga butang nga wala pa mahimo.+
Ako miingon, ‘Ang akong desisyon* matuman,+Ug buhaton nako ang bisan unsa nga akong gusto.’+
11 Magtawag kog langgam nga mandadagit gikan sa sidlakan,*+Gikan sa layong yuta tawgon nako ang tawo nga mopatuman sa akong desisyon.*+
Misulti ko, ug ipahinabo nako kini.
Katuyoan nako kini, ug tumanon usab nako kini.+
12 Pamati kanako, kamong masukihon* ug kasingkasing,Kamong layo sa pagkamatarong.
13 Gipaduol nako ang akong pagkamatarong;Kini dili layo,Ug ang akong kaluwasan dili malangan.+
Ihatag nako sa Zion ang kaluwasan, sa Israel ang akong kahalangdon.”+
Mga Footnote
^ Mga idolo nga gikarga diha sa mga mananap.
^ Literal, “moyukbo.”
^ Literal, “unang.”
^ O “ang Balaang Diyos.”
^ O “katuyoan; tambag.”
^ Literal, “gikan sa pagsubang sa adlaw.”
^ O “katuyoan; tambag.”
^ Literal, “gamhanan.”
