Proverbio 21:1-31
21 Ang kasingkasing sa usa ka hari samag agos sa sapa sa kamot ni Jehova.+
Iya ning giyahan bisan asa Niya gusto.+
2 Para sa usa ka tawo ang tanan niyang dalan husto,+Apan susihon ni Jehova ang mga kasingkasing.*+
3 Ang pagbuhat kon unsay husto ug matarongMas makapalipay kang Jehova kay sa halad.+
4 Ang mapahitas-ong mga mata ug ang aroganteng kasingkasing—Ang lampara nga naggiya sa daotan maoy sala.+
5 Ang mga plano sa kugihan moresulta gyod ug kalamposan,*+Apan ang tanang madalidalion seguradong mopaingon sa kakabos.+
6 Ang pagbaton ug mga bahandi pinaagi sa bakakong dilaSamag gabon nga daling mawala, samag makamatayng lit-ag.*+
7 Ang bayolenteng mga buhat sa daotan magbanlas nila,+Kay dili sila mobuhat ug matarong.
8 Daotan ang dalan sa tawong sad-an,Apan ang binuhatan sa tawong inosente maoy matarong.+
9 Maayo pang mopuyo sa suok sa atopKay sa mopuyo sa balay uban ang palaaway* nga asawa.+
10 Ang daotan nangandoy ug pagkadaotan;+Dili siya maluoy sa iyang isigkatawo.+
11 Dihang silotan ang mabiaybiayon, ang walay kasinatian mahimong mas maalamon,Ug dihang ang maalamon makadawat ug lawom nga pagsabot, siya mahibalo kon unsay buhaton.*+
12 Obserbahan sa Matarong nga Diyos ang balay sa daotan;Iyang laglagon ang daotan.+
13 Kadtong nagsampong sa iyang dalunggan sa tawong makaluluoy nga nagpakitabangDili pod tubagon dihang siya motawag.+
14 Ang regalo nga sekretong gihatag makawala sa kasuko,+Ug ang gitago nga hiphip* makawala sa grabeng kasuko.
15 Kalipay sa matarong ang pagbuhat ug matarong,+Apan makahahadlok kini niadtong naghimog daotan.
16 Ang tawo nga mobiya sa dalan sa lawom nga pagsabotMopahulay uban sa mga patay.+
17 Kadtong hilig maglipaylipay mapobre;+Kadtong hilig ug bino ug lana dili madato.
18 Ang daotan maoy ilukat para sa matarong,Ug ang malimbongon maoy kuhaon puli sa matarong.+
19 Maayo pang mopuyo sa kamingawanKay sa mopuyo sa balay uban ang palaaway* ug makalagot nga asawa.+
20 Ang bililhong bahandi ug lana naa sa balay sa maalamon,+Apan usikan* ra sa buangbuang ang naa niya.+
21 Kadtong nagtinguhag pagkamatarong ug maunongong gugmaMakakaplag ug kinabuhi, pagkamatarong, ug himaya.+
22 Ang maalamon makakatkat* sa siyudad sa mga tawong gamhanan,Ug pukanon niya ang kusog nga ilang gisaligan.+
23 Kadtong nagbantay sa iyang baba ug dilaMakalikay sa problema.+
24 Mapangahason, grabe ka hambogiro ang tawagSa tawong mangahas nga dili maghunahuna sa iyang ginabuhat.+
25 Ang gipangandoy sa tapolan maoy mopatay niya,Kay dili motrabaho ang iyang mga kamot.+
26 Sa tibuok adlaw mahakogon siyang nangandoy,Apan ang matarong mohatag, wala siyay ihikaw.+
27 Ang halad sa mga daotan dulumtanan.+
Labaw na gyod kon itanyag niya kini nga may daotang motibo!*
28 Ang bakakong saksi malaglag,+Apan ang testimonya sa tawong naminaw pag-ayo molampos.*
29 Ang daotan magpabaga sa iyang nawong,+Apan ang matul-id mao ang segurado ug dalan.*+
30 Walay kaalam o katakos sa pag-ila o tambag nga makabarog batok kang Jehova.+
31 Ang kabayo giandam para sa adlaw sa gubat,+Apan ang kaluwasan iya ni Jehova.+
Mga Footnote
^ O “motibo.”
^ O “kaayohan.”
^ O posible, “para niadtong gustog kamatayon.”
^ O “reklamador; yawyawan.”
^ O “makabaton ug kahibalo.”
^ Literal, “ang hiphip diha sa dughan.”
^ O “reklamador; yawyawan.”
^ Literal, “lamyon.”
^ O “makadaog.”
^ O “uban ang makauulawng paggawi!”
^ Literal, “mosulti hangtod sa hangtod.”
^ O “Apan ang matul-id ang maghimo sa iyang dalan nga segurado.”
