Proverbio 24:1-34
24 Ayaw kasina sa mga daotan,Ug ayaw pangandoy sa pagpakig-uban kanila,+
2 Kay kapintasan ang ginapamalandong sa ilang kasingkasing,Ug kasamok ang ginasulti sa ilang ngabil.
3 Pinaagi sa kaalam ang balay* matukod,+Ug pinaagi sa katakos sa pag-ila kini mahimong lig-on.
4 Pinaagi sa kahibalo ang mga kuwarto niini mapunoSa tanang klase sa bililhon ug nindot nga mga butang.+
5 Ang tawong maalamon gamhanan,+Ug pinaagi sa kahibalo madugangan sa tawo ang iyang gahom.
6 Pinaagi sa maalamong giya* makiggubat ka,+Ug pinaagi sa daghang magtatambag dunay kadaogan.*+
7 Ang tinuod nga kaalam dili makab-ot sa buangbuang;+Wala siyay ikasulti diha sa ganghaan sa siyudad.
8 Kadtong nagplanog daotanTawgon nga hawod moplanog daotan.+
9 Ang binuang nga mga plano* maoy sala,Ug gidumtan sa mga tawo ang mabiaybiayon.+
10 Kon maluya ka sa adlaw sa kasakit,*Modiyutay ang imong kusog.
11 Luwasa kadtong ginadala paingon sa kamatayon,Ug pugngi ang mga nagpadulong sa kamatayon.+
12 Kon moingon ka, “Apan wala mi mahibalo niini,”Wala ba mahibalo niini ang Tigsusi sa mga kasingkasing?*+
Oo, mahibaloan kini sa Nagbantay kanimoUg balosan niya ang matag usa sumala sa iyang binuhatan.+
13 Anak ko, kaog dugos, kay maayo kini;Ang puro nga dugos tam-is.
14 Sa samang paagi, angay kang mahibalo nga ang kaalam makaayo nimo.+
Kon imo ning makaplagan, makabaton kag maayong kaugmaonUg dili mawala ang imong paglaom.+
15 Ayaw pangatang duol sa balay sa tawong matarong tungod sa daotang motibo;Ayaw daota ang iyang puy-anan.
16 Kay ang tawong matarong mahimong matumba sa makapito, ug siya mobangon pag-usab,+Apan ang daotan mapukan pinaagig katalagman.+
17 Dihang matumba ang imong kaaway, ayaw pagsadya,Ug dihang mapukan siya, dili angayng malipay ang imong kasingkasing;+
18 Kay makita kini ni Jehova ug dili siya malipay,Ug mawala na ang Iyang kasuko sa imong kaaway.+
19 Ayaw kasuko tungod sa mga daotan;Ayaw kasina sa daotang mga tawo,
20 Kay walay kaugmaon ang daotan;+Ang lampara sa daotan palongon.+
21 Anak ko, kahadloki si Jehova ug ang hari.+
Ug ayaw pakig-uban sa mga rebelyoso,*+
22 Kay ang ilang katalagman kalit nga moabot.+
Kinsay nahibalo kon unsang kalaglagan ang ilang* ipahamtang kanila?+
23 Kining mga pulonga para sab sa mga maalamon:
Dili maayong magpaborpabor sa paghukom.+
24 Kadtong moingon sa daotan, “Matarong ka,”+Tunglohon sa katawhan ug sawayon pag-ayo sa mga nasod.
25 Apan kadtong mobadlong kaniya maayog dangatan;+Makadawat silag mga panalangin.+
26 Halokan sa katawhan ang ngabil niadtong nagatubag nga matinud-anon.*+
27 Andama ang imong trabaho sa gawas, ug andama sab ang uma;Unya tukora ang imong balay.*
28 Ayaw pagtestigo batok sa imong isigkatawo nga walay basehanan.+
Ayaw gamita ang imong ngabil sa paglimbong sa uban.+
29 Ayaw pag-ingon: “Kon unsay iyang gibuhat nako, mao poy akong buhaton niya;Baslan nako siya sa iyang gihimo.”*+
30 Miagi ko sa uma sa tawong tapolan,+Sa ubasan sa tawong dili maayog panghunahuna.*
31 Akong nakita nga pulos sagbot na ang nanubo;Napuno kinig tunokong mga tanom,Ug nalumpag na ang paril nga bato.+
32 Gipamalandong nako pag-ayo ang akong nakita;Kini ang akong nakat-onan:
33 Diyutay pa nga pagkatulog, diyutay pa nga pagtagpilaw,Diyutay pa nga pagpangiyugpos aron magpahulay,
34 Ug ang imong kakabos moabot kanimo samag kawatan,
Ug ang imong kawalad-on samag armadong tawo.+
Mga Footnote
^ O “panimalay.”
^ O “pagtultol.”
^ O “kalamposan; kaluwasan.”
^ O “Ang mga plano sa buangbuang.”
^ O “panahon sa kalisdanan.”
^ O “mga motibo?”
^ O “niadtong gustog kausaban.”
^ Si Jehova ug ang hari.
^ O posible, “Ang pagtubag nga matinud-anon samag paghalok.”
^ O “panimalay.”
^ O “Manimalos ko niya.”
^ Literal, “nakulangan ang kasingkasing.”
